Dafydd John Pritchard
| Dafydd John Pritchard | |
|---|---|
| Ganwyd | 1965  |
| Dinasyddiaeth |  Cymru |
| Galwedigaeth | bardd |
Mae Dafydd John Pritchard adnebir yn fwy cyffredin fel Dafydd Pritchard neu, wrth ei enw bedydd, David John Pritchard yn brifardd ac Rheolwr Archif Sgrin a Sain Llyfrgell Genedlaethol Cymru wrth ei waith.[1] Magwyd ef yn Nant Peris, Gwynedd.
Bywyd[golygu | golygu cod]
Derbyniodd ei addysg gynnar yn Ysgol Dolbadarn, Llanberis ac Ysgol Brynrefail, Llanrug, ac yna bu’n fyfyriwr yng Ngholeg y Drindod Caerfyrddin ac yna dilyn cwrs mewn Llyfrgellyddiaeth yn yr hen Goleg Llyfrgellyddiaeth ym Mhrifysgol Aberystwyth.[2] Mae’n gweithio fel Archifydd Cynorthwyol yn Archif Genedlaethol Sgrin a Sain Cymru yn y Llyfrgell Genedlaethol. Mae’n aelod o dîm Talwrn y Beirdd, "Y Cŵps", a thîm ymryson Ceredigion. Mae'n byw yn Llanbadarn Fawr, Aberystwyth ac yn gynghorydd cymuned dros Blaid Cymru ar Cyngor Cymuned Llanbadarn Fawr. Mae'n Babydd gan gyfrannu i wasanaeth goffa i'r Sant John Roberts mewn gwasanaeth yn Llundain yn 2010.[3]
Ei hoff gerddi, yn ôl sgwrs gydag Heledd Cynwal ar Radio Cymru yw:
- Yr Afon - Gerallt Lloyd Owen
- Difiau Dyrchafael - Saunders Lewis
- Rhyddid - Emyr Lewis (bardd)
Diddordebau[golygu | golygu cod]
Mae'n hoff o griced a bu'n chware i dîm Ysgolion Gwynedd gan chwarae yn yr un tîm â'r cricedwr proffesiynnol i Forgannwg, Matthew Maynard.[2]
Coroni[golygu | golygu cod]
Enillodd Goron yn Eisteddfod Genedlaethol Cymru Bro Dinefwr 1996, ar y testun Olwynion gyda dilyniant o gerddi gan ddechrau gyda'r olwyn "cyntaf un" i ddatblygiad yr olwyn i fynd i'r gofod.[2]
Bardd y Mis[golygu | golygu cod]
Bu'n "Fardd y Mis" ar BBC Radio Cymru ar gyfer mis Mawrth 2015.[4]
Llyfryddiaeth[golygu | golygu cod]
- Lôn Fain, 2013, Cyhoeddiadau Barddas ISBN 9781906396640[1]
- Dim Ond Deud, 2006, Cyhoeddiadau Barddas, ISBN 9781900437813 (1900437813)[5]
Cyfeiriadau[golygu | golygu cod]
- ↑ 1.0 1.1 https://www.barddas.cymru/llyfr/y-lon-fain-dafydd-john-pritchard/
- ↑ 2.0 2.1 2.2 https://www.bbc.co.uk/sounds/play/p02mpg2w
- ↑ "copi archif". Archifwyd o'r gwreiddiol ar 2018-06-16. Cyrchwyd 2019-08-23.
- ↑ https://www.bbc.co.uk/programmes/articles/4BDwBscMt10B72H7ZKdsGct/dafydd-johnpritchard-bardd-mawrth-2015
- ↑ http://www.gwales.com/bibliographic/?isbn=9781900437813&tsid=2
Dolenni allanol[golygu | golygu cod]
- Llais tawel Dafydd Pritchard Adolygiad o 'Lôn Fain' gan Andrew Green ar blog Gwallter
- Twitter @DafyddPritchar1