Dafydd Huw Williams
| Dafydd Huw Williams | |
|---|---|
.jpg) | |
| Ganwyd | Dafydd Huw Williams 1943 Llandegfan |
| Bu farw | 6 Mawrth 2009 Ysbyty Gwynedd, Bangor |
| Man claddu | Llandegfan |
| Alma mater | Prifysgol Bangor |
| Galwedigaeth | dramodydd, cynhyrchydd a cyn-gomisiynydd drama S4C |
Dramodydd, llenor, cynhyrchydd ffilm a chyn-gomisiynydd drama S4C oedd Dafydd Huw Williams (1943 – 6 Mawrth 2009). Fe'i ganwyd a'i magwyd yn Llandegfan, Ynys Môn yn frawd i'r Prifardd Cen Williams a'r cyfarwyddwr a dramodydd Eurwyn Williams. Derbyniodd ei addysg ym Mhrifysgol Bangor, a bu'n aelod o gwmni drama enwog y coleg o dan gyfarwyddyd John Gwilym Jones. Mae'n cael ei enwi fel aelod o gast y ddrama Hanes Rhyw Gymro ym 1964 ynghyd â John Ogwen, Maureen Rhys, John Owen, Euryn Ogwen Williams, Dafydd Glyn Jones a llawer eraill.
Gyrfa
[golygu | golygu cod]Enillodd Y Fedal Ryddiaith yn Eisteddfod Gadeiriol Môn Y Borth 1965 a'r Goron yn Eisteddfod Genedlaethol yr Urdd.[1]
Dechreuodd ei yrfa ym maes teledu fel ymchwilydd a sgriptiwr ar y rhaglen Heddiw.[2] Bu'n gweithio fel cynhyrchydd drama gyda BBC Radio Cymru ym Mangor, cyn ei benodi yn bennaeth drama i'r sianel.[2] Ym 1982, gyda dyfodiad S4C, roedd yn un o gyd-sefydlwyr Ffilmiau Eryri.[2]
Fel Cynhyrchydd ac Uwch Gynhyrchydd, bu'n gyfrifol am nifer o gynyrchiadau llwyddiannus i S4C fel Minafon, Tywyll Heno, Noson yr Heliwr, Heliwr, Pum Cynnig i Gymro, Tân ar y Comin, Elenya, Y Fargen, Brad, Sigaret? a Lleifior.[3]
Fel dramodydd, bu'n cyd-ysgrifennu'r ffilmiau Owain Glyndŵr a Gwaed ar y Sêr.
Cafodd ei benodi yn Gomisiynydd Drama S4C ym 1990 ac ymddeolodd ym mis Chwefror 1997, pryd y daeth Angharad Jones yn gomisiynydd newydd yn ei le.[2]
Priododd Wendy ym 1965, a ganwyd iddynt 2 o blant.[4][5]
Bu farw'n 66 oed ar y 6 Mawrth 2009 yn Ysbyty Gwynedd, Bangor, a thalwyd teyrngedau iddo gan Geraint Stanley Jones, y Parchedig Elwyn Jones ac Ifan Roberts.[4]
Cynyrchiadau
[golygu | golygu cod](detholiad)
Fel dramodydd / cyd-awdur
[golygu | golygu cod]- Owain Glyndŵr
- Gwaed ar y Sêr
- Two Women (1974) HTV
- Barbarossa
- Cysgodion Gdansk (1987)
Fel cynhyrchydd ac uwch-gynhyrchydd
[golygu | golygu cod]Cyfeiriadau
[golygu | golygu cod]- ↑ "Eisteddfod Môn". Y Clorianydd. 8 Mehefin 1965.
- 1 2 3 4 "Dafydd's the man for drama". Caernarfon & Denbigh Herald. 23 Mawrth 1990.
- ↑ "Dafydd Huw Williams | Producer, Writer". IMDb (yn Saesneg). Cyrchwyd 2025-10-29.
- 1 2 "Click here to view the tribute page for HUW WILLIAMS Dafydd". funeral-notices.co.uk (yn Saesneg). Cyrchwyd 2025-10-29.
- ↑ "Click here to view the tribute page for DAFYDD WILLIAMS". funeral-notices.co.uk (yn Saesneg). Cyrchwyd 2025-10-29.