Dafydd Dafis (actor)

Oddi ar Wicipedia
Jump to navigation Jump to search
Dafydd Dafis
Ganwyd 1 Medi 1958 Edit this on Wikidata
Rhosllannerchrugog Edit this on Wikidata
Bu farw 3 Ebrill 2017 Edit this on Wikidata (58 oed)
Dinasyddiaeth Baner Cymru Cymru
Alma mater
Galwedigaeth actor, cerddor Edit this on Wikidata

Actor a cherddor oedd Dafydd Dafis (1 Medi 19583 Ebrill 2017).[1]

Magwyd Dafydd Tomos Davies[2] yn Rhosllannerchrugog ac roedd ganddo frawd hyn Ifan a brawd iau William Rhys.[3] Ei dad oedd John Tudor Davies MBE, cyn arweinydd Côr Meibion Rhosllannerchrugog, a fu farw yn 2015. Aeth i Ysgol Morgan Llwyd lle gymerodd ran mewn sawl opera roc. Yn ei arddegau fe'i hysbrydolwyd wrth glywed cerddoriaeth jazz Miles Davis ac fe ddysgodd chwarae'r sacsoffon fel oedolyn. Aeth ymlaen i astudio yng Ngholeg Cerdd a Drama Cymru yng Nghaerdydd ac yna gweithiodd gyda Cwmni Theatr Cymru.[4]

Bu'n chwarae gyda nifer o fandiau Cymreig yn cynnwys band Steve Eaves.[5] Perfformiodd sawl gwaith ar Cân i Gymru ac un o'i ganeuon mwyaf adnabyddus oedd "Tŷ Coz", a gyfansoddwyd gan Iwan Llwyd ac Elwyn Williams ar gyfer y gystadleuaeth yn 1987.[4] Cyhoeddwyd tri albwm ar label Sain yn cynnwys albwm unigol Ac Adre' Mor Bell Ag Erioed yn 1995. Cydweithiodd gyda Pwyll ap Siôn ar yr albwm Ôl y Fflam (Sain, 2006).

Roedd wedi actio yn y cyfresi Paradwys Ffŵl, Rownd a Rownd, Tipyn o Stâd, Porth Penwaig, Pen Talar ac Yr Heliwr ymhlith eraill. Defnyddiodd yr enw Tom Richmond ar gyfer ei waith actio am gyfnod oherwydd bod aelod arall o Equity gyda'r un enw.[6]

Bywyd personol[golygu | golygu cod y dudalen]

Priododd yr actores Manon Elis yn 2001.[7]

Fe'i canfuwyd yn farw ym Mhorthaethwy ar 3 Ebrill 2017.

Cyfeiriadau[golygu | golygu cod y dudalen]

  1. Yr actor a’r cerddor Dafydd Dafis wedi marw , Golwg360, 4 Ebrill 2017.
  2. Cwmni Snapyn - Ty'r Cwmniau
  3. Tributes paid to popular musician and actor who grew up in Rhos (en) , The Leader, 7 Ebrill 2017.
  4. 4.0 4.1 Teyrngedau i'r cerddor ac actor Dafydd Dafis , BBC Cymru Fyw, 4 Ebrill 2017.
  5. The love that gave me sax appeal and all that jazz; Dafydd Dafis tells Jill Tunstall what sparked his lifelong passion for music. (en) , Daily Post, 19 Awst 2006. Cyrchwyd ar 4 Ebrill 2017.
  6. Tributes for Dafydd Dafis after actor found dead (en) , Daily Post, 4 Ebrill 2017.
  7.  Eco'r Wyddfa. Eco'r Wyddfa (Tachwedd 2001). Adalwyd ar 4 Ebrill 2017.

Dolenni allanol[golygu | golygu cod y dudalen]