Daeargi Gwyddelig

Daeargi sy'n tarddu o Iwerddon yw'r Daeargi Gwyddelig^[1] (Gwyddeleg: Brocaire Gaelach) sydd yn un o'r bridiau hynaf o ddaeargwn. Defnyddiwyd y ci hwn i hela ac i nôl helfil, ac yn y Rhyfel Byd Cyntaf fel negesydd a gwyliedydd.^[2]

Mae ganddo daldra o dua 46 cm (18 modfedd) ac yn pwyso 11 i 12 kg (25 i 27 o bwysau). Mae ei ben yn hir gyda barf fer, ac mae ganddo gôt wrychog o liw coch euraidd neu frowngoch. Mae'n gi ystwyth, ffyddlon, bywiog, ac yn ddifeddwl ddewr.^[2]