Cymerwch, Bwytewch

Cymerwch, Bwytewch
Enghraifft o:	sioe theatr Gymraeg
Dyddiad cynharaf	1977
Cyhoeddwr	heb ei chyhoeddi
Iaith	Cymraeg
Cysylltir gyda	Theatr Antur a Cwmni Theatr Cymru
Dynodwyr

Trydydd sioe gerddorol Theatr Antur o dan adain Cwmni Theatr Cymru oedd Cymerwch, Bwytewch o 1977, yn dilyn llwyddiant Byw yn y Wlad a Fflora a Portread yn flaenorol.^[1] Crëwyd y sioe gan aelodau'r cwmni ar y pryd sef Valmai Jones, Siôn Eirian, Mei Jones, Cefin Roberts, Iola Gregory, Dyfan Roberts, Siân Morgan, Wyn Bowen Harries a Gruffudd Jones. Bu'r sioe ar daith o gwmpas Cymru ym 1977. "Afal Eden roddodd gychwyn i'r syniad", yn ôl rhaglen y cynhyrchiad.^[1]

Cymeriadau

Taid
Y Fam
Y Tad
Trefor, y mab
Ann, y ferch
Sandra, cariad Trefor
Y Drefn

Disgrifiad

"Er dyddiau Genesis y mae i'r afal briodoleddau sumbolaidd arbennig. Yn Cymerwch, Bwytewch fe ddefnyddir sumbol yr afal i gynrychioli gwybodaeth, ond nid yw'r cyflwyniad hwn yn ddehongliad o fyth Eden, er bod diniweidrwydd ac anfudd-dod yn elfennau pwysig yn y ddwy stori. Afal Eden roddodd gychwyn i'r syniad".^[1]

Darlun o'r gymdeithas yn Nghymru'r 1970au yw sioe, wedi'i ganolbwyntio ar "deulu cyffredin". Ond beth petai "un aelod o'r teulu yn dechrau gwrthod y patrwm confensiynol o fyw ac yn mynd ati i herio awdurdod y drefn gydnabyddedig?".^[1]

Cefndir

Wedi sefydlu Theatr Antur ar gyfer yr actorion ifanc, roedd Cwmni Theatr Cymru am barhau i annog y cwmni i greu gwaith theatr arbrofol a heriol.^[1]

Er mwyn "ychwanegu deimeniswn newydd" trefnwyd bod "band roc/jás" yn mynd ar daith gyda'r actorion, gyda dau aelod o'r grŵp roc Brân.^[1]

Nodwyd bod "pwyslais mawr" wedi'i roi ar "waith byr-fyfyr fel sail i'r golygefydd a'r ddialog, gyda phob actor yn cyfrannu ei syniadau a'i eiriau ei hun". Yn yr un modd gyda'r cyfarwyddo, gyda Gruffydd Jones yn eu "arolygu".^[1]

Noda'r rhaglen hefyd bod 5 aelod o'r criw presennol [Siôn Eirian, Wyn Bowen Harries, Mei Jones, Siän Morgan a Cefin Roberts] wedi bod yn cyd-weithio ers mwy na 18 mis, [ers Medi 1976] a'u bod i gyd yn gyd-fyfyrwyr yng Ngholeg Cerdd a Drama Cymru am flwyddyn. Daeth 2 aelod o'r criw lwyfanodd Byw yn y Wlad "yn ôl" sef Valmai Jones a Dyfan Roberts. Dyma daith cyntaf Iola Gregory gyda Theatr Antur.^[1]

Cynyrchiadau nodedig

Llwyfannwyd a chrëwyd y sioe gan Theatr Antur o dan adain Cwmni Theatr Cymru ym 1977, a mynd ar daith ym mis Ebrill a Mai yr un flwyddyn. Cyfarwyddwr Gruffudd Jones; cyfansoddi a threfnydd cerdd Cenfyn Evans. Offerynnwyr Paul Westwell a David Pierce; cast: