Cyflafan Sant Ffolant

Oddi ar Wicipedia
Cyflafan Sant Ffolant
Dilëwyd llawer o elynion Capone yn y gyflafan waedlyd a elwir 'Cyflafan Sant Ffolant, a drefnwyd yn rhanol gan Murray the Hump.
Enghraifft o'r canlynolcyflafan Edit this on Wikidata
Dyddiad14 Chwefror 1929 Edit this on Wikidata
LladdwydEdit this on Wikidata
LleoliadLincoln Park Edit this on Wikidata
Map
GwladwriaethUnol Daleithiau America Edit this on Wikidata
RhanbarthChicago Edit this on Wikidata
Tudalen Comin Ffeiliau perthnasol ar Gomin Wicimedia

Yn 1929 trefnodd Al Capone yr hyn a alwyd yn Gyflafan Sant Ffolant (Saesneg: Saint Valentine's Day massacre) pan arweiniodd dau o'i brif ddynion (sef Jack "Machine Gun" McGurn a'r Cymro Murray the Hump) griw o'i ddynion wedi'u gwisg fel heddweision, a lladd saith o ddynion ei elyn mawr "Bugs" Moran.

Garej yn 2122 North Clark Street, Chicago oedd pencadlys Moran, ac ar y diwrnod hwnnw roedd llawer iawn o'i 'henchmen' yno'n chwearae cardiau pan gynigiodd criw Capone werthu llond lorri o Whiskey iddynt. Pan gyrhaeddodd y lorri, saethodd car yr heddlu (car wedi'i ddwyn gan griw Murray the Hump) i mewn i'r garej - yn llawn o heddlu mewn lifrai gyda gynnau machine-gun.

Credodd dynion Moran mai 'raid' go iawn oedd hon gan yr heddlu, felly fe ffurfion nhw linell daclus i'r 'heddlu' gymryd eu manylion ar mwyn eu harestio. Yn sydyn, anelwyd gynnau'r 'heddlu' at y llinell ddynion a'u saethu. Saethwyd eu hwynebau hefyd, a phan gyhoeddwyd y lluniau yn y papurau trodd unrhyw gydymdeimlad at Capone yn ffieidd-dra.

Bu un o'r rheiny a saethwyd (sef Frank Gusenberg) fyw am ychydig oriau yn yr ysbyty lleol. Pan holwyd ef gan yr heddlu pwy saethodd ef? Atebodd "Does neb wedi fy saethu!" Golygai hyn na fedrwyd dwyn achos yn erbyn yr un gangster.