Cyflafan München

Cyflafan München

Llechen goffa ddwyieithog, yn Almaeneg ac Hebraeg, ger safle'r gyflafan yn Connollystraße 31, München.
Enghraifft o:	llofruddiaeth dorfol, argyfwng gwystlon, ymosodiad terfysgol
Dyddiad	Medi 1972
Lladdwyd	12, 5
Rhan o	Gemau Olympaidd yr Haf 1972, Gwrthdaro Israelaidd-Palesteinaidd
Dechreuwyd	5 Medi 1972
Daeth i ben	6 Medi 1972
Lleoliad	Olympic Village, Munich, Fürstenfeldbruck Air Base, München
Gwladwriaeth	Gorllewin yr Almaen
Dynodwyr
Freebase	/M/058p6
Quora	Munich-massacre
Ffeiliau perthnasol ar Gomin Wicimedia

Ymosodiad terfysgol yn erbyn tîm Olympaidd Israel oedd cyflafan München a gyflawnwyd gan y grŵp milwriaethus Palesteinaidd Medi Du yng Ngemau Olympaidd yr Haf 1972 ym München, Gorllewin yr Almaen. Ar 5 Medi, yn ystod ail wythnos y gemau, dygwyd cyrch ar y Pentref Olympaidd gan wyth o Balesteiniaid, gan ladd dau aelod o dîm Israel a chymryd naw arall yn wystlon. Wedi diwrnod o drafodaethau â'r heddlu, teithiodd y terfysgwyr gyda'r gwystlon i Faes Awyr Fürstenfeldbruck, ac yno lansiwyd cyrch aflwyddiannus i achub gwystlon. Saethwyd pump o'r terfysgwyr yn farw gan yr heddlu, ond cafodd pob un o'r gwystlon, yn ogystal â phlismon o Almaenwr, eu lladd cyn i'r frwydr ddod i ben.

Cafodd y tri therfysgwr a oroesodd eu harestio, ond fe'u rhyddhawyd ar 29 Hydref 1972 wedi i gefnogwyr Medi Du awyrgipio Ehediad Lufthansa 615, a mynnu rhyddhau'r tri yn gyfnewid am beidio â ffrwydro'r awyren. Casglwyd y tri a'u cludo i loches yn Libia.

Ymatebodd Israel drwy lansio ymgyrch gudd gan Mossad i ganfod a lladd pob un o'r rhai a gyhuddwyd o gael rhan yn yr ymosodiad. Fodd bynnag, ni lwyddwyd i ladd Abu Daoud, y prif gynllwyniwr.