Egalitariaeth
 Symbol E a ddefnyddir i gynrychioli credo egalitaraidd. | |
| Enghraifft o: | ideoleg wleidyddol, carfan meddwl  |
|---|---|
| Dynodwyr | |
| Quora | Egalitarianism |
 Ffeiliau perthnasol ar Gomin Wicimedia | |
Athrawiaeth gymdeithasegol neu ysgol feddwl yn athroniaeth wleidyddol yw egalitariaeth[1][2] neu gydraddoliaeth[2] sy'n gosod cydraddoldeb yn nod ar gyfer cyfundrefn cymdeithas. Gallai gymhwyso cydraddoldeb o ran amodau cymdeithasol, canlyniadau economaidd, gwobrwyon, neu freintiau.[3] Er enghraifft, yn achos symudedd cymdeithasol, nod egalitariaeth yw sicrhau'r cyfle i bob unigolyn allu gwella ei statws economaidd-gymdeithasol, neu i'r unigolyn ennill ei le yn y gymdeithas o ganlyniad i'w ddoniau, y drefn a elwir meritocratiaeth. Yn gyffredinol, mae egalitariaeth yn un o daliadau'r adain chwith, ac yn nodwedd bwysig o ideolegau sosialaidd megis democratiaeth gymdeithasol, comiwnyddiaeth, a Marcsiaeth. Cofleddir dealltwriaethau amgen o egalitariaeth gan safbwyntiau eraill ar y sbectrwm gwleidyddol. Mae rhyddfrydwyr ac unigolwyr yn tueddu i ddadlau dros gyfleoedd cyfartal i bawb, ond nid o reidrwydd yn gwneud iawn am annhegwch drwy achos genedigaeth, megis cyfoeth teuluol.
Gweler hefyd
[golygu | golygu cod]Cyfeiriadau
[golygu | golygu cod]- ↑ "egalitariaeth", Y Termiadur Addysg. Adalwyd ar 24 Gorffennaf 2026.
- 1 2 Geiriadur yr Academi, "egalitarianism".
- ↑ (Saesneg) "Egalitarianism" yn A Dictionary of Sociology (Rhydychen: Gwasg Prifysgol Rhydychen, 1998). Adalwyd ar 12 Awst 2019.