Colmcille (partneriaeth)
 | |
| Enghraifft o: | Mudiad iaith  |
|---|---|
| Gwladwriaeth | Gweriniaeth Iwerddon, y Deyrnas Unedig |
| Dynodwyr | |
Mae Colmcille yn rhaglen bartneriaeth rhwng Foras na Gaeilge (yn yr Iwerddon) a Bòrd na Gàidhlig (yn yr Alban), sy'n hyrwyddo defnyddio Gwyddeleg a Gaeleg a rhwng y ddwy wlad. Nod Colmcille, trwy ei waith, yw meithrin dealltwriaeth o brofiad a diwylliant amrywiol cymunedau Gwyddelig a Gaeleg ac annog trafodaeth ar bryderon cyffredin mewn materion cymdeithasol, diwylliannol ac economaidd gyda'r nod o feithrin hunanhyder o fewn cymunedau'r iaith Gaeleg.
Enwir y mudiad Colmcille, ar ôl y mynach Colum Cille o'r 6g yn abaty Ynys Iona a chwaraeodd ran ganolog ym mywyd ysbrydol a diwylliant ehangach Iwerddon, yr Alban a gogledd Lloegr. Gadawodd yr abaty a'i chwaer-sefydliadau argraff diwylliannol pwysig, gan gynnwys Llyfr Kells. Sefydlwyd y mudiad Colmcille yn sgil dathliadau 1,500 mlynedd ers geni'r mynach yn Swydd Donegal yn ystod 2020 a 2021.[1]
Nod
[golygu | golygu cod]Nod Colmcille yw dod â siaradwyr Gaeleg a Gwyddeleg ynghyd mewn ffordd weithredol a phersonol er mwyn:
- dysgu a dod i adnabod ei gilydd, eu hieithoedd, eu diwylliant a'u treftadaeth
- rhannu eu traddodiadau diwylliannol
- rhannu gwybodaeth, a chydweithredu i ddiwallu anghenion ei gilydd
- codi ymwybyddiaeth o'r amgylchedd naturiol, corfforol a diwylliannol y maent yn byw ynddo, a hyrwyddo iechyd a lles yr ieithoedd Gaeleg fel rhan o'r amgylchedd hwnnw
- cydweithio â siaradwyr Gaeleg yng Nghanada, a chyda siaradwyr Manaweg.
Ariannu
[golygu | golygu cod]Mae Colmcille yn gweithredu drwy gynlluniau grant a thrwy hwyluso a chychwyn prosiectau. Mae cyllid yn mynd i'r afael â'r themâu canlynol: y celfyddydau, pobl ifanc, treftadaeth, dysgu Gaeleg a Gwyddeleg, partneriaeth a datblygu cymunedol, ac ymchwil.
Cyllid o'r Alban
[golygu | golygu cod]Bòrd na Gàidhlig yw prif gefnogwr Colmcille drwy ei gynllun grantiau cymunedol Taic Freumhan Coimhearsnachd sy'n cynnwys blaenoriaeth ar brosiectau sy'n meithrin cysylltiadau rhwng siaradwyr Gaeleg a Gwyddeleg.
Iwerddon
[golygu | golygu cod]Sefydliad Foras na Gaeilge sy'n gweithredu ar sail drawsffiniol ac mae ganddo dri chynllun grant:
- Cynllun Grant Colmcille, ar gyfer prosiectau, sydd â dau rownd ariannu'r flwyddyn
- Cynllun grantiau bach Colmcille ar gyfer datblygu partneriaethau a phrosiectau, sydd ar agor yn barhaus
- Cynllun bwrsariaeth Colmcille ar gyfer siaradwyr Gwyddeleg sy'n dysgu Gaeleg.[2]
Gweithredu
[golygu | golygu cod]Mae Colmcille yn trefnu neu yn cefnogi amryw o fentrau gan cynnwys teithiau cerdded hanesyddol, darlithoedd, dangosiadau ffilm yn yr ieithoedd brodorol, a chefnogi cyrsiau dysgu ieithoedd ei gilydd.[3]
Gŵyl gerddoriaeth Féile na Gealaí
[golygu | golygu cod]Mae Colmcille yn cymryd rhan yng ngweithgareddau gŵyl Féile na Gealaí (sef "Gŵyl y Lleuad" yn y Wyddeleg) sy'n darparu gŵyl wersylla Wyddeleg er mwyn hybu cerddoriaeth, diwylliant a’r holl gelfyddydau Gwyddeleg. Fe'i cynhelir yn flynyddol ym mhentref Gaeltacht Ráth Chairn yn Swydd an Mhí (Meath).
Cyfeiriadau
[golygu | golygu cod]- ↑ "Foras na Gaeilge and Bòrd na Gàidhlig launch new Colmcille website". Foras na Gaeilge. Cyrchwyd 18 Chwefror 2026.
- ↑ "Funding". Gwefan Colmcille. Cyrchwyd 18 Chwefror 2026.
- ↑ "News". Gwefan Colmcille. Cyrchwyd 18 Chwefror 2026.
Dolenni allanol
[golygu | golygu cod]- Gwefan swyddogol Coldmcille (Gaeleg, Gwyddeleg, Saesneg)
- Colmcille Sianel Youtube swyddogol Colmcille
- Bogadh Colmcille1500 // Colmcille1500 Launch Lansiad Dathliadau 1,500 mlwyddiant Colm Cille a arweiniodd at ddatblygu'r prosiect Colmcille gyfoes
- @Colmcille cyfrif instagram