Colley Cibber

Colley Cibber
Ganwyd	6 Tachwedd 1671 (yn y Calendr Iwliaidd)  Llundain
Bu farw	11 Rhagfyr 1757  Llundain
Dinasyddiaeth	Teyrnas Prydain Fawr
Alma mater	The King's School, Grantham
Galwedigaeth	dramodydd, bardd, ysgrifennwr, actor llwyfan
Swydd	Bardd Llawryfog y Deyrnas Unedig
Tad	Caius Gabriel Cibber
Priod	Catherine Cibber
Plant	Theophilus Cibber, Catharine Cibber, Charlotte Charke

Actor a rheolwr theatr o Sais a beirdd a dramodydd yn yr iaith Saesneg oedd Colley Cibber (6 Tachwedd 1671 – 11 Rhagfyr 1757) sydd yn nodedig fel un o feistri'r gomedi sentimental. Gwasanaethodd yn swydd Bardd Llawryfog y Deyrnas Unedig o 3 Rhagfyr 1730 hyd ei farwolaeth.

Ymunodd â'r Theatr Frenhinol yn Drury Lane yn 1690, a daeth i'r amlwg fel actor digrif drwy chwarae'r coegyn mewn sawl un o gomedïau'r Adferiad. Ysgrifennodd ei ddrama gyntaf, Love's Last Shift, yn 1696, a dyma'r enghraifft gyntaf o gomedi sentimental, genre a ddaeth i ddominyddu'r theatr Seisnig am ganrif gyfan. Ysgrifennodd ryw 30 o ddramâu eraill, gan gynnwys She Wou'd and She Wou'd Not (1702), The Careless Husband (1704), a The Nonjuror (1717). O 1710 i 1740, Cibber oedd rheolwr y Theatr Frenhinol.

Er ei lwyddiannau yn y theatr, ffigur hynod o gynhennus oedd Cibber a bu nifer o'i gyfoedion yn ei ystyried yn ddyn haerllug ac yn ddringwr cymdeithasol digywilydd. Bu'n gyff gwawd i sawl beirniad, a fe'i anfarwolwyd yn ffug-arwr y gerdd The Dunciad gan Alexander Pope.