Cofio Cynan

Cofio Cynan
Enghraifft o:	cyflwyniad theatrig
Dyddiad cynharaf	1970
Gwlad	Cymru
Cysylltir gyda	Cwmni Theatr Cymru
Dynodwyr

Cyflwyniad llenyddol gan Gwmni Theatr Cymru ym 1970 oedd Cofio Cynan i gofio'r bardd a'r llenor Albert Evans-Jones. Llwyfannwyd y cyflwyniad am y tro cyntaf yn ystod "Wythnos y Cyhoeddi 1970". Nodwyd yn y Rhaglen bod "3 perfformiad yn unig ym Methesda, Bangor a Porthaethwy."^[1] Cafwyd wythnos o berfformiadau yn dilyn hynny yn Eisteddfod Genedlaethol Cymru Dyffryn Aman 1970. Dathliad o farddoniaeth a gwaith Cynan oedd prif fwriad y cynhyrchiad, gyda chyflwyniadau gan actorion a diddanwyr enwog y cyfnod megis Hogia'r Wyddfa, Y Telynegion, W. H. Roberts, Stewart Jones, Gwyn Parry, Gaynor Morgan Rees, J. O. Roberts, Aled Lloyd Davies ac Alwyn Samuel. Lluniwyd y cyflwyniad gan Wilbert Lloyd Roberts.^[2] Yn ystod y cyflwyniad, cafwyd y ddawns flodau a chyflwyno yr Aberthged a'r Corn Hirlas. Roedd y cynhyrchiad yma yn ddilyniant i gyflwyniad tebyg gan Gwmni Theatr Cymru am Daniel Owen ym 1969.

Disgrifiad

Roedd y cyflwyniad wedi'i rannu fel â ganlyn :

Y Rhan Gyntaf

Yr ewyn wrth fy nhroed

Rhan o Baled Largo
Cân yr Hen Gapten
Y Gwanwyn Du
Cywydd y Mordan
Tresaith

Gogoniannau'r Wlad

Golud
Llanfihangel Bachellaeth
Capel Nanhoron
Rhan o Mab y Bwthyn

Euraidd wallt a gruddiau rhos

Y Ferch o Dŷ'n y Coed
Ystrad Fflur
Yr Olwyn
Yr Eira ar y Coed

Pluen ar y dŵr

Gweddi Pysgodwr
Cywydd i gyfarch cyd-bysgodwr
Teifi

Y llyfr gyda'r claspiau pres

Cân y Caniadau
Rhan o Absalom fy Mab
Salm y Bugail

Yr Ail Ran

Gynnau du Gehenna

Hwiangerddi
Rhannau o Mab y Bwthyn / Y Tannau Coll / Buddugoliaeth
L'Envoi
Beddau a'u gwlych y glaw
Hiraeth

Man gwyn man draw

Llythyr at Megan
Anfon y Nico
Llythyr gartref
Ym Min y Môr
Rhan o Mab y Bwthyn
Monastîr

Brawdoliaeth yr Awen

Marwnad yr Ehedydd
Eirlysiau
Trafaeliais y Byd
Tua Thre
Aberdaron
Y Perffaith Fardd
Afallon
Y Santes Ann
Yr Ysbryd Sanctaidd

Cynhyrchiad

Wilbert Lloyd Roberts oedd yn gyfrifol am drefnu a chyfarwyddo'r cynhyrchiad, gyda Morfudd Maesaleg fel y delynores, a threfnydd Y Telynegion. Einir Rowlands oedd wedi trefnu'r ddawns flodau.^[2] Roedd Sharon Morgan yn gweithio "ym mlaen y tŷ" yn ystod yr Eisteddfod.^[3] Cyfansoddodd Hogia'r Wyddfa ganeuon arbennig ar eiriau Cynan ar gyfer y cynhyrchiad, caneuon a ddaeth yn boblogaidd iawn fel 'Aberdaron', 'Hwinagerddi' a 'Tresaith'. Rhyddhawyd record ganddynt ar label Recordiau'r Dryw yn cynnwys y tair cân, wedi galw mawr. Arwel Jones oedd wedi cyfansoddi'r gerddoriaeth.^[4]