Claudia Sheinbaum

Claudia Sheinbaum
Yr Arlywydd Claudia Sheinbaum yn Hydref 2024.
Ganwyd	Claudia Sheinbaum Pardo  24 Mehefin 1962  Dinas Mecsico
Man preswyl	Dinas Mecsico
Dinasyddiaeth	Mecsico
Alma mater	Universidad Nacional Autónoma de México Universidad Nacional Autónoma de México Universidad Nacional Autónoma de México
Galwedigaeth	ymchwilydd
Swydd	president-elect, Arlywydd Mecsico
Cyflogwr	Universidad Nacional Autónoma de México
Plaid Wleidyddol	Mudiad Adfywio Cenedlaethol, Party of the Democratic Revolution
Tad	Carlos Sheinbaum Yoselevitz
Mam	Annie Pardo Cemo
Priod	Carlos Imaz Gispert, Jesús Maria Tarriba
Gwobr/au	Gwobr 100 Merch y BBC, Nobel Prize winner
llofnod

Gwleidydd a pheiriannydd amgylcheddol o Fecsico yw Claudia Sheinbaum (ganed 24 Mehefin 1962) a wasanaetha'n Arlywydd Mecsico ers 2024.

Ganed hi yn Ninas Mecsico, prifddinas y wlad, yn ferch i'r athrawes bioleg Annie Pardo Cemo a'r peiriannydd cemegol Carlos Sheinbaum, y ddau ohonynt o dras Iddewig. Astudiodd ffiseg ym Mhrifysgol Ymreolaethol Genedlaethol Mecsico (UNAM), ac enillodd radd meistr a doethuriaeth yno mewn peirianneg ynni. Aeth i Labordy Cenedlaethol Lawrence Berkeley yn Berkeley, Califfornia, i gyflawni ei hymchwil doethurol yn cymharu treuliant ynni ym Mecsico â gwledydd diwydiannol eraill. Dychwelodd i UNAM i ymuno â'r gyfadran beirianneg ym 1995.

Bu Sheinbaum yn wleidyddol weithgar ers ei dyddiau'n fyfyrwraig. Penodwyd yn weinidog amgylcheddol Dinas Mecsico yn 2000 gan Andrés Manuel López Obrador, Pennaeth Llywodraeth y Brifddinas. Dychwelodd i UNAM yn 2006, a chyfrannodd i adroddiadau'r Panel Rhynglywodraethol ar Newid Hinsawdd (IPCC) ar liniaru newid hinsawdd.

Etholwyd Sheinbaum yn Faer Tlalpan, un o fwrdeistrefi Dinas Mecsico, yn 2015, ac yn Bennaeth Llywodraeth y Brifddinas yn 2018. Ym Mehefin 2023, cyhoeddodd Sheinbaum y byddai'n ymddiswyddo o lywodraeth Dinas Mecsico i ymgyrchu am yr arlywyddiaeth fel ymgeisydd y Mudiad Adfywio Cenedlaethol (Morena). Enillodd yr etholiad arlywyddol ym Mehefin 2024, a chychwynnodd yn y swydd ar 1 Hydref 2024, gan olynu ei hen fentor, Andrés Manuel López Obrador. Hyhi yw'r fenyw gyntaf a'r Iddew cyntaf i fod yn Arlywydd Mecsico.