City of Truro (Locomotif stêm)

Oddi ar Wicipedia
Neidio i'r panel llywio Neidio i'r bar chwilio
Cityoftruro01LB.jpg

Adeiladwyd locomotif stêm rhif 3440 City of Truro ym 1903 yng Ngweithdy Swindon Rheilffordd y Great Western. Roedd 20 locomotif o'r un dosbarth, hanner ohonynt yn drawsnewidiadau o ddosbarth 'Albarta'.[1]

Cynlluniwyd y locomotif gan George Jackson Churchward, Prif Beiriannydd y Great Western. Honnwyd bod y locomotif yr un cyntaf i gyrraedd 100 milltir yr awr, yn ystod siwrnai o Plymouth i Lundain ar 9 Mai 1904 efo trên post. Pwys y trên 6 cerbyd oedd 148 tunnell, heb gynnwys pwys y locomotif (90 tunnell). Honnwyd gan Charles Rous-Marten bod y trên wedi cyrraedd 102.3 milltir yr awr rhwng Twnnel Whitehall a Wellington, Gwlad yr Haf, yn ymyl Taunton. Cyhoeddwyd y manylion (ond heb ddatgelu'r cyflymder) gan Rous-Marten yng Nghylchgrawn Railway Magazine y mis nesaf. Roedd gan y Great Western bryderon am adwaith y cyhoedd i'r fath gyflymder. Cadarnhawyd y cyflymder yn y cylchgrawn yn Ebrill 1908.[1]

Awgrymwyd Charles Collett (Prif Beiriannydd y Great Western rhwng 1922 a 1941) dylai 'City of Truro' yn mynd i'r Amgueddfa Genedlaethol newydd yn Efrog ym 1931, a thynnwyd 'City of Truro' o wasanaeth yn syth.[1]

Atgyweiriwyd y locomotif ym 1957 a defnyddiwyd ar drenau arbennig. Atgyweiriwyd y locomotif eto ym 1984, ac eto yn 2004, yn costio £130,000.[1]

Cyfeiriadau[golygu | golygu cod y dudalen]