Cilwg yn Ôl (drama)

Cilwg yn Ôl
Enghraifft o:	gwaith llenyddol
Awdur	John Osborne
Cyhoeddwr	ni chafodd ei gyhoeddi
Gwlad	Cymru
Iaith	Cymraeg
Dyddiad cyhoeddi	1956
Dechrau/Sefydlu	1956
Genre	Dramâu Cymraeg
Cymeriadau	Cliff Lewis, Helena Charles, Jimmy Porter, Colonel Redfern, Alison Porter
Lleoliad y perff. 1af	Llundain
Dyddiad y perff. 1af	8 Mai 1956
Dynodwyr
Freebase	/M/03t1w3
	Ffeiliau perthnasol ar Gomin Wicimedia

Cyfieithiad y dramodydd John Gwilym Jones o'r ddrama lwyfan Look back in Anger yw Cilwg yn Ôl neu Cilolwg yn Ôl. John Osborne yw awdur y ddrama wreiddiol. Ni chafodd y cyfieithiad ei chyhoeddi. Llwyfannwyd y cyfieithiad gan Gwmni Theatr Cymru ym 1969, a gan Cymdeithas y Ddrama Gymraeg, Prifysgol Bangor cyn hynny.^[2]

Cymeriadau

Jimmy Porter - yw'r "gŵr ifanc blin" sy'n anfodlon iawn efo'r uwch ddosbarth Prydeinig
Alison Porter - ei wraig anfoddedig
Helena Charles - cyfaill cariadus Jimmy o'r uwch ddosbarth
Cliff Lewis - cyd letywr Jimmy ac Alison o'r dosbarth gweithiol
Cyrnol Redfern - tad Alison a chyn-gyrnol Prydeinig.

Cynyrchiadau nodedig

1960au

Llwyfannwyd y cyfieithiad Cymraeg am y tro cyntaf gan Gymdeithas Ddrama Prifysgol Cymru Bangor yn y 1960au gyda Maureen Rhys a John Ogwen ymysg y myfyrwyr oedd yn perfformio.^[3] Cyfarwyddwr John Gwilym Jones; cast

Alison Porter - Maureen Rhys
Helena Charles
Jimmy Porter - John Ogwen
Cliff Lewis
Cyrnol Redfern

Dyma'r cynhyrchiad osododd seiliau carwriaethol i briodas John a Maureen, yn ôl Maureen Rhys mewn erthygl yn 2015: "Roedden ni'n 'nabod ein gilydd i ddweud helo gan fod ni'n dau'n astudio drama yng Ngholeg Bangor o dan John Gwilym Jones. Ond gymerodd hi berfformiad o addasiad Cymraeg o ddrama John Osborne Look Back in Anger i ni ddod at ein gilydd fel petai. [...] Roedd y ddau ohonon ni'n aelodau o gast Cilwg yn Ôl, ond gan fod na ddau gast gwahanol ar gyfer gwahanol berfformiadau, roeddan ni ar wahân am y rhan helaeth o'r perffomiadau. Ond, roeddan ni yn digwydd bod yn yr un cast am dair noson, ac roedd fy nghymeriad i fod i roi peltan i gymeriad John, a wedyn ei gusanu. A dyna pryd wnaeth o ddigwydd!", ychwanegodd.^[3]

Llwyfannwyd y cyfieithiad gan Gwmni Theatr Cymru ym 1969.^[4] Cyfarwyddwr Wilbert Lloyd Roberts a Beryl Williams.^[5]