Charles Francis Egerton Allen

Charles Francis Egerton Allen
Ganwyd	14 Hydref 1847  Agra
Bu farw	31 Rhagfyr 1927
Dinasyddiaeth	Teyrnas Unedig Prydain Fawr ac Iwerddon
Alma mater	Coleg Eton Coleg Sant Ioan, Caergrawnt Y Deml Ganol
Galwedigaeth	cyfreithiwr, gwleidydd, bargyfreithiwr
Swydd	Aelod Seneddol, Aelod o 25ain Senedd y Deyrnas Unedig
Plaid Wleidyddol	Plaid Ryddfrydol

Roedd Charles Francis Egerton Allen (14 Hydref 1847 – 31 Rhagfyr 1927) yn weinyddwr Prydeinig yn yr India ac yn wleidydd Rhyddfrydol Cymreig a wasanaethodd fel Aelod Seneddol etholaeth Penfro a Hwlffordd.

Bywyd personol

Ganwyd Allen yn Agra, Uttar Pradesh, India], ym 1847, lle'r oedd ei dad, Charles Bird Allen yn gwasanaethu yng Ngwasanaeth Sifil yr India. Ei fam oedd Mary Anne Harriet, merch Peter Bartholomew Jullian o Lundain.

Cafodd ei addysgu yng ngholeg Eton a Choleg Sant Ioan, Caergrawnt lle graddiodd BA ym 1870.

Priododd Elizabeth Georgina, merch William Wilcox o Whitburn, Swydd Durham ym 1891 bu hi farw ym 1934. Ni fu plant o'r briodas. Bu farw yn ei gartref yn 10 Norton, Dinbych y Pysgod.

Gyrfa

Galwyd Allen i'r Bar yn y Deml Ganol ym 1871 a fu'n gweithio fel Bargyfreithiwr yng Nghylchdaith Gogledd Ddwyrain Lloegr cyn symud yn ôl i'r India ym 1873 lle fu'n gweithio fel bargyfreithiwr yng Nghalcutta a Rangoon ac fel barnwr llys man achosion Calcutta, bu'n Advocad y Llywodeaethwr yn Rangoon ac yn Gofrestrydd Rangoon. Bu hefyd yn ddarlithydd yn y Gyfraith yng Ngholeg y Presidency Calcutta.

Bu'n gwasanaethu fel Ynad Heddwch dros Sir Benfro o 1895 i 1906

Gyrfa Wleidyddol

Safodd fel ymgeisydd Rhyddfrydol etholaeth Penfro a Hwlffordd yn etholiad cyffredinol 1892 gan lwyddo cipio'r sedd oddi wrth Y Blaid Unoliaethol Ryddfrydol. Collodd y sedd yn etholiad cyffredinol 1895 gan gael ei drechu gan yr ymgeisydd Ceidwadol.

Cyfeiriadau

Senedd y Deyrnas Unedig
Rhagflaenydd: Richard Charles Mayne	Aelod Seneddol Penfro a Hwlffordd. 1892 – 1895	Olynydd: John Wimburn Laurie