Cerddorfa Genedlaethol Ieuenctid Prydain
 | |
| Enghraifft o: | youth orchestra, sefydliad elusennol  |
|---|---|
| Dechrau/Sefydlu | 1948 |
| Gweithwyr | 23 |
| Ffurf gyfreithiol | sefydliad elusennol |
| Enw brodorol | National Youth Orchestra |
| Gwefan | http://www.nyo.org.uk |
Cerddorfa Genedlaethol Ieuenctid Prydain (NYO) yw cerddorfa ieuenctid genedlaethol y Deyrnas Unedig. Sefydlwyd y gerddorfa yn 1948 gan y Fonesig Ruth Railton fel symbol o obaith i bobl ifanc y DU ar ôl Yr Ail Ryfel Byd.
Y Gerddorfa
[golygu | golygu cod]Y gerddorfa yw prif weithgaredd y mudiad. Mae'r gerddorfa ar gyfer plant rhwng 13 ac 18 oed, sydd yn chwarae ar safon gradd 8 neu uwch. Mae'n rhaid gwneud clyweliad. Yn 2025, roedd 158 cerddor yn y gerddorfa.[1]
Cyrsiau
[golygu | golygu cod]Mae’r gerddorfa’n cwrdd tair gwaith y flwyddyn am gyrsiau preswyl pythefnos o hyd: Yn y flwyddyn newydd, y Pasg a’r haf. Yn ogystal â’r brif weithgaredd gerddorfaol mae ganddynt amser i gymryd rhan mewn amrywiaeth o weithgareddau gan gynnwys cerddoriaeth siambr, gweithdai corfforol, byrfyfyrio a sefydlu cyfeillgarwch.
Mae rhai o'r lleoliadau ar gyfer eu cyngherddau yn cynnwys: Barbican Hall, Llundain, Symphony Hall, Birmingham, Bridgewater Hall, Manceinion, The Sage Gateshead, Philharmonic Hall, Lerpwl a Royal Festival Hall, Llundain. Yn flynyddol, maent yn chwarae mewn Cyngerdd Proms yn Neuadd Frenhinol Albert i ddathlu talent ifanc Prydeinig.[2]
NYO Inspire
[golygu | golygu cod]Mae NYO Inspire yn rhaglen ar gyfer arddegwyr sydd yn wynebu rhwystrau. Felly mae'n agored i blant sy'n mynychu ysgolion y wladwriaeth, neu'n derbyn eu haddysg gartref. Mae plant o dras lleiafrifoedd ethnig hefyd yn gallu cymryd rhan. Mae angen i bawb allu chwarae ar safon gradd 6 o leiaf. Does dim clyweliadau ar gyfer y rhaglen. Yn 2025, roedd 48% o'r plant yn y beif gerddorfa wedi mynychu NYO Inspire yn y gorffennol.
Cyn-fyfyrwyr nodedig
[golygu | golygu cod]
| Enw | Offeryn/Proffesiwn | Offeryn yn y gerddorfa | Aelodaeth |
|---|---|---|---|
| Syr Simon Rattle | Arweinydd | Offer Taro | 1971 |
| Judith Weir | Cyfansoddwr | Obo | 1971-72 |
| Thomas Adès | Cyfansoddwr | Offer Taro | 1988 |
| Kwame Ryan | Arweinydd | Bas dwbl | 1988-90 |
| Anna Lapwood | Organydd | Telyn | 2012-13 |
Gweler hefyd
[golygu | golygu cod]Cyfeiriadau
[golygu | golygu cod]- ↑ "Meet the Musicians". The National Youth Orchestra. Cyrchwyd 26 Chwefror 2025.
- ↑ "NYO plays Mahler's First at the Proms". www.bbc.co.uk. Cyrchwyd 26 Chwefror 2025.