Casnewydd Islwyn (etholaeth Senedd)

Casnewydd Islwyn

Enghraifft o:	ardal etholiadol arfaethedig, etholaeth Senedd Cymru
Gwlad	Cymru
Gwladwriaeth	y Deyrnas Unedig
Rhanbarth	Cymru
Dynodwyr

Un o etholaethau'r Senedd yw Casnewydd Islwyn, a ffurfiwyd ar gyfer etholiad 2026. Yr enw Cymraeg a ddefnyddir hefyd yn Saesneg.

Bydd yr etholaeth hon yn ethol chwe Aelod o'r Senedd (AS).

Fe'i cynigiwyd yn dilyn adolygiad 2024 o etholaethau'r Senedd, ac fe'i ffurfiwyd drwy uno dwy o etholaethau Senedd y Deyrnas Unedig, sef Dwyrain Casnewydd ar y naill law a Gorllewin Casnewydd ac Islwyn ar y llall. Bydd y ffiniau'n cael eu hadolygu eto cyn etholiad 2030.

Ffiniau

Cadarnhawyd y ffiniau a'r enw Cymraeg yn unig yn argymhellion terfynol y comisiwn ym mis Mawrth 2025.

Mae'n cynnwys sir (hynny yw, prif ardal) Casnewydd yn ei chyfanrwydd, a rhan o ardal Caerffili. Mae'r etholaeth i'w sefydlu erbyn 2026, yn dilyn pasio Deddf Senedd Cymru (Aelodau ac Etholiadau) 2024. Y ddeddf hon sy'n dod â'r newidiadau i rym, fel ag i greu 16 "uwch-etholaeth" sy'n cyfuno dwy o 32 etholaeth Senedd y Deyrnas Unedig yng Nghymru bob un. Maent yn defnyddio system bleidleisio gyfrannol newydd, gyda phob etholaeth yn ethol chwe Aelod o'r Senedd (AS) yn hytrach nag un fel a wnaed yn y gorffennol.

Etholiadau

Etholiad 2026

Etholiad Senedd Cymru, 2026: Casnewydd Islwyn
Plaid		Ymgeisydd	Pleidleisiau	%	±%
	Llafur		-	-	-
	Plaid Cymru	Peredur Owen Griffiths	-	-	-
	Democratiaid Rhyddfrydol	Mike Hamilton John Miller	-	-	-
	Ceidwadwyr	Natasha Asghar Toby Jones Jake Enea	-	-	-
	Gwyrdd	Rachel Roberts	-	-	-