Caradog Jones
| Caradog Jones | |
|---|---|
| Ganwyd | 1962  Pontrhydfendigaid |
| Dinasyddiaeth |  Cymru |
| Alma mater | |
| Galwedigaeth | fforiwr, dringwr mynyddoedd, fisheries scientist |
| Perthnasau | Sara Ashton |
| Chwaraeon | |
| Gwlad chwaraeon | Cymru |
Mynyddwr o Gymru yw Caradog "Crag" Jones (ganed 1962).
Bywgraffiad[golygu | golygu cod]
Cymro Cymraeg yw Caradog Jones, a aned ym mhentref Pontrhydfendigaid, ger Tregaron, Ceredigion. Mae'n frawd i'r cymdeithasegydd Shan Jamil Ashton[1]. Yn blentyn, cafodd ei ysbrydoli gan anturiaethau yr arloeswyr cynnar ar Everest, a oedd yn adnabyddus iddo am eu bod wedi ymarfer ar gyfer dringo'r mynydd yn Eryri.[2] O bryd i'w gilydd mae wedi ymddangos ar S4C a siarad ar Radio Cymru am ei anturiaethau ym myd dringo. Mae'n byw yn Lloegr bellach.[1]
Mae wedi bod y cyntaf i ddringo sawl copa o gwmpas y byd, ond mae'n adnabyddus yn bennaf fel y Cymro cyntaf i ddringo Mynydd Everest, mynydd uchaf y byd, camp a gyflawnodd ar y 23ain o Fai 1995, yn 33 oed. Ef oedd y 724fed dringwr i gyrraedd y copa.[3] Esgynodd i'r copa yng nghwmni Michael Knakkergaard-Jorgensen, y Daniad cyntaf i gyrraedd copa Everest, ac fe dreulion nhw hanner awr ar y copa[4].
Tori James oedd y Gymraes gyntaf i gyflwyno'r gamp, a hynny yn 2007.[5]
Crag Jones oedd y cyntaf, neu un o'r cyntaf i ddringo en:Hunza Peak ym mynyddoedd y Karakoram yn 1991. Yn fwy diweddar, ef oedd y cyntaf i ddringo sawl mynydd ar ynys De Georgia.
Cyfeiriadau[golygu | golygu cod]
- ↑ 1.0 1.1 "BBC Radio Cymru - Beti a'i Phobol, Shan Jamil Ashton". BBC. Cyrchwyd 2023-01-08.
- ↑ The Daily Post, 28.5.2003
- ↑ Climber Lists: Everest, K2 and other 8000ers
- ↑ "Y Cymro cyntaf ar gopa Everest 25 mlynedd 'mlaen". BBC Cymru Fyw. 2020-05-21. Cyrchwyd 2023-01-08.
- ↑ Morgan, Sion (2013-01-31). "Everest: How Tori James defied death to stand where no Welsh woman had stood before". WalesOnline (yn Saesneg). Cyrchwyd 2023-01-08.
Dolenni allanol[golygu | golygu cod]
- (Saesneg) Erthygl ar wefan BBC Wales Dringo Everest
- Video ar BBC Wales Profiadau Jones ar Everest
