Canser y bledren

Oddi ar Wicipedia
Jump to navigation Jump to search
Delwedd:Bladder urothelial carcinoma histopathology (2) at trigone.jpg, Papillary urothelial carcinoma of bladder.jpg
Data cyffredinol
Enghraifft o'r canlynol clefyd Edit this on Wikidata
Math canser y system wrinol, clefyd y bledren, bladder neoplasm Edit this on Wikidata
Arbenigedd meddygol Oncoleg edit this on wikidata
Dynodwyr
Thesawrws NCI C9334, c2901, c2901, c9334 edit this on wikidata
Freebase /M/01bcp7 edit this on wikidata
OMIM 109800, 109800&Nbsp;edit this on wikidata
UMLS CUI C0005684, c0005695, c0005684, c0005695 edit this on wikidata
Tudalen Comin Ffeiliau perthnasol ar Gomin Wicimedia

Mae canser y bledren ymhlith nifer o ganserau sy'n deillio o feinweoedd y bledren wrinol.[1] Twf annaturiol o gelloedd yw canser, ac maent â'r gallu i ymosod ar, neu ledaenu i rannau eraill o'r corff.[2] Mae symptomau'r cyflwr yn cynnwys gwaed yn yr wrin, poen wrth ollwng dŵr, a phoenau yng ngwaelod y cefn.

Mae ffactorau risg canser y bledren yn cynnwys ysmygu, hanes teuluol o'r cyflwr, therapi ymbelydredd cynt, heintiau aml ynghylch y bledren, a datguddiad i gemegau penodol. Y math mwyaf cyffredin yw carsinoma celloedd trawsnewidiol. Daw mewn fersiynau eraill yn ogystal gan gynnwys carsinoma celloedd cennog ac adeno carsinoma.[3] Gwneir diagnosis fel arfer drwy gysosgopi gyda biopsïau meinwe. Gellir canfod ymlediad a phennod y canser drwy ddelweddu meddygol megis sgan CT a sgan esgyrn.

Rhoddir triniaeth yn seiliedig ar bennod y canser. Mae'n bosib iddo gynnwys cyfuniad o lawdriniaethau, therapïau ymbelydredd, cemotherapi, neu imiwnotherapi. Gall opsiynau llawfeddygol gynnwys echdyniad trawswrethrol, gwaredu'r bledren yn rhannol neu'n gyfan gwbl, neu atgyfeiriad wrinol. Mae 77% o ddioddefwyr yn byw o leiaf pum mlynedd wedi diagnosis yn yr Unol Daleithiau.[4]

Yn 2015 yr oedd oddeutu 3.4 miliwn yn dioddef y cyflwr ar draws y byd, a cheir 430,000 o achosion newydd yn flynyddol. Yn gyffredinol, mae'r canser yn dechrau datblygu mewn dioddefwyr rhwng 65 a 85 mlwydd oed. Nid yw'n taro menywod ar yr un raddfa a dynion. Yn 2015 arweiniodd at 188,000 o farwolaethau.[5]

Cyfeiriadau[golygu | golygu cod y dudalen]

  1. "Bladder Cancer Treatment". National Cancer Institute (yn Saesneg). Archifwyd o'r gwreiddiol ar 14 Gorffennaf 2017. Cyrchwyd 18 Gorffennaf 2017. Unknown parameter |deadurl= ignored (help)
  2. "Cancer Fact sheet N°297". World Health Organization. Chwefror 2014. Archifwyd o'r gwreiddiol ar 29 Rhagfyr 2010. Cyrchwyd 10 Mehefin 2014. Unknown parameter |deadurl= ignored (help)
  3. "Bladder Cancer". National Cancer Institute (yn Saesneg). Archifwyd o'r gwreiddiol ar 17 Gorffennaf 2017. Cyrchwyd 18 Gorffennaf 2017. Unknown parameter |deadurl= ignored (help)
  4. "Cancer of the Urinary Bladder – Cancer Stat Facts". seer.cancer.gov (yn Saesneg). Archifwyd o'r gwreiddiol ar 8 Gorffennaf 2017. Cyrchwyd 18 Gorffennaf 2017. Unknown parameter |deadurl= ignored (help)
  5. GBD 2015 Mortality and Causes of Death, Collaborators. (8 October 2016). "Global, regional, and national life expectancy, all-cause mortality, and cause-specific mortality for 249 causes of death, 1980–2015: a systematic analysis for the Global Burden of Disease Study 2015.". Lancet 388 (10053): 1459–1544. PMID 27733281.