Camera sydyn

Oddi ar Wicipedia
Jump to navigation Jump to search
Data cyffredinol
MathCamera Edit this on Wikidata
CynnyrchPolaroid print Edit this on Wikidata
Tudalen Comin Ffeiliau perthnasol ar Gomin Wicimedia
Polaroid SX-70

Math o gamera sy'n defnyddio ffilm sy'n datblygu ei hun er mwyn creu print o lun yn fuan ar ol ei dynnu yw camera sydyn. Polaroid Corporation wnaeth arloesi gyda chamerâu a ffilm sydyn oedd yn addas i brynwyr, a dilynwyd hwy wedyn gan amryw o wneuthurwyr eraill.

Dywedir mai'r gwyddonydd Americanaidd Edwin Land ddyfeisiodd gamera sydyn, rhwydd i'w ddefnyddio, ac y gellid ei werthu. Ef wnaeth gyflwyno'r camera sydyn masnachol cyntaf, y model 95 Land Camera, yn 1948, a hynny flwyddyn ar ôl cyflwyno'r ffilm sydyn yn Ninas Efrog Newydd. Cafodd y camera sydyn cynharaf, oedd yn cynnwys camera ac ystafell dywyll fechan, ei ddyfeisio yn 1923 gan Samuel Shlafrock.[1]

Cyrhaeddodd y camera sydyn frig ei boblogrwydd ar ddiwedd y 1970au. Wedi hynny, daeth camerâu newydd, llai eu maint a rhatach, i'w ddisodli, a daeth dyfeisiadau recordio fideo hefyd ar werth. Mae'r camera sydyn yn dal i gael cyfnodau o boblogrwydd, ond fel tegan neu declyn 'retro' a hynod yn hytrach na chamera at ddibenion ffotograffiaeth broffesiynol neu ddefnydd o ddydd i ddydd.[2]

Cyfeirnodau[golygu | golygu cod y dudalen]

  1. Shlafrock, Samuel (November 3, 1925). "Patent number #1559795; Camera". United States Patent Office.
  2. "The Return Of Polaroid | The King Is Back And Already An Instant Classic".