Cambria, Wisconsin

Oddi ar Wicipedia
Jump to navigation Jump to search
Cambria
WIS146 looking north from County P Cambria.jpg
Math village of Wisconsin Edit this on Wikidata
Poblogaeth 767 Edit this on Wikidata
Daearyddiaeth
Sir Columbia County Edit this on Wikidata
Gwlad Baner Unol Daleithiau America Unol Daleithiau America
Arwynebedd 2.684154 km² Edit this on Wikidata
Uwch y môr 279 ±1 metr Edit this on Wikidata
Cyfesurynnau 43.5428°N 89.11°W Edit this on Wikidata
Am enghreifftiau eraill o'r enw, gweler Cambria.

Pentref yn Swydd Columbia, talaith Wisconsin, Unol Daleithiau America, yw Cambria.

Yn wreiddiol galwyd y pentref yn Florence neu Langdon's Mills, wedyn Bellville. Daeth yr enw Cambria wedi i grŵp ymfudo o Gymru, yn cynnwys teuluoedd o ardal Dolwyddelan ym 1845. Roedd y criw yma wedi dechrau ar eu siwrnai yn cerdded o Ddolwyddelan i Drefriw gyda'r holl gymuned yn eu hebrwng, ac o Drefriw ar long i Lerpwl cyn hwylio ar draws Môr Iwerydd i Efrog Newydd. Bu farw rhai ar y daith.

Roedd J. Glyn Davies yn berthynas i rai o'r ymfudwyr, yn ddisgynydd o gangen o'r teulu a arhosodd yng Nghymru. Mewn erthygl a gyhoeddwyd wedi ei farwolaeth yntau, mae'n adrodd hanes ymweliad ganddo pan yn ddyn ifanc â Chambria ym 1898. Mae'n cofnodi sut roedd yr iaith Gymraeg yn fyw iawn yn y pentref bryd hynny, a'r brodorion yn barod i gyfarch un arall o'r un llwyth, ond bod yr arferion yn dechrau pallu wrth bod y gymdeithas yn cymysgu.

Location of Cambria, Wisconsin

Ffynhonnell[golygu | golygu cod y dudalen]

  • J. Glyn Davies, "Cambria, Wisconsin in 1898", Transactions of the Honourable Society of Cymmrodorion, 1957, tud. 128–159