Cadfan Roberts

Cadfan Roberts
Ganwyd	Cadfan Dylan Roberts 25 Ebrill 1956 Sir y Fflint
Alma mater	Ysgol Maes Garmon Coleg Cerdd a Drama'r Guildhall, Llundain
Galwedigaeth	actor, awdur, cynghorydd

Actor Cymraeg o Sir y Fflint yw Cadfan Roberts (ganwyd 25 Ebrill 1956) neu Cadfan Dylan Roberts, sy'n fwyaf adnabyddus am ei bortread o "Glan Morris" yn y gyfres Pobol y Cwm rhwng 1989 a 1996. Bu'n portreadu nifer o gymeriadau ar lwyfannau a theledu yng Nghymru ers y 1980au gan gynnwys y prif gymeriad yn y gyfres Mostyn Fflint n' Aye! a gyd-greodd ei hun. Bu hefyd yn ran o'r cyfresi Treflan, 9 tan 9, Tipyn o Stad, Bowen a'i Bartner a The District Nurse. Cafodd y brif ran yn ffilm Siôn Eirian, Marwolaeth yr Asyn o Fflint ym 1983.

Gyrfa

Derbyniodd ei addysg yn Ysgol Maes Garmon ac yna yng Ngholeg Cerdd a Drama's Guildhall, Llundain gan raddio ym 1976.

Mae'n briod ac mae ganddynt 2 o blant.

Yn 2013, ac yntau yn byw yng Ngharmel, Caernarfon, penderfynodd sefyll fel ymgeisydd yn yr Etholiadau Lleol ar ran y blaid annibynnol Llais Gwynedd. Ar y pryd, roedd yn gweithio fel ysgubwr simneiau yn y gymuned, ac yn gynghorydd cymunedol.

Cynyrchiadau

(detholiad)

Theatr

• Bownsars (1998) Cwmni Theatr Gwynedd

Ffilm a Theledu

• Y Graith (1980)
• Ennal's Point (1982)
• Nye (1982)
• Coleg (1982)
• Newydd Bob Nos (1982-1983)
• Almanac (1983)
• Marwolaeth yr Asyn o Fflint (1983)
• The Extremist (1984)
• Minafon (1985)
• Bowen a'i Bartner (1985)
• Sul y Blodau (1986)
• The District Nurse (1987)
• Cysgodion Gdansk (1987)
• Child of Love (1987)
• Dilyn Y Ddraig (1988)
• Screenplay (1988)
• Pobol y Cwm (1989 - 1996)
• Yr Aduniad (1998)
• Human Traffic (1999)
• 9 tan 9 (2002)
• Treflan (2002)
• Y Stafell Ddirgel
• Tipyn o Stad (2003 - 2005)
• Mostyn Fflint 'n Aye! (2004)
• Bolan's Shoes (2023)
• Bariau (2024)
• Henry House (2025)
• Box of Frogs (2025)