Branwen (drama Ifor ap Glyn a Darach Ó Scolaí)

Branwen

Enghraifft o:	drama lwyfan "teirieithog"
Dyddiad cynharaf	2006
Awdur	Ifor ap Glyn a Darach Ó Scolaí
Cyhoeddwr	heb ei chyhoeddi
Iaith	Cymraeg, Saesneg a'r Wyddeleg
Cysylltir gyda	Llwyfan Gogledd Cymru
Cyfarwyddwr/wyr	Ian Rowlands
Dynodwyr

Drama lwyfan "teirieithog" [Cymraeg, Saesneg a'r Wyddeleg] gan Ifor ap Glyn a Darach Ó Scolaí ydi Branwen. Mae'r ddrama wedi'i seilio ar chwedl Branwen o'r Mabinogi. Llwyfannwyd y ddrama gan Llwyfan Gogledd Cymru yn 2006 a 2007, a'i theithio yng Nghymru, Lloegr ac Iwerddon o dan gyfarwyddyd Ian Rowlands.

Cymeriadau

• Eifion
• Mari
• Seán
• Gwraig Seán

Disgrifiad

Stori gyfoes sydd yn y ddrama am ddau gyfaill o ddyddiau coleg yn Aberystwyth; Mari sy’n gweithio fel awdures yng Nghymru a Seán sy’n awdur yn Iwerddon. Mae’r ddau yn ail-gwrdd drwy'r cynhyrchydd teledu Eifion Bowen i gyd-weithio ar fersiwn animeiddiedig o chwedl Branwen. Wrth ddod wyneb yn wyneb, hawdd cynnau tân ar hen aelwyd, a daw sawl cyfrinach i’r amlwg, fydd yn effeithio perthynas Seán a’i wraig am byth.

Cynyrchiadau nodedig

Llwyfannwyd y ddrama'n wreiddiol gan Llwyfan Gogledd Cymru a Project Arts Centre (Iwerddon) yn 2006, gydag Ian Rowlands yn cyfarwyddo. Cast:

• Eifion - Dafydd Dafis
• Mari - Ffion Dafis
• Seán - Stephen D’Arcy
• Gwraig Seán - Bridin Nic Dhonncha

Canmoliaeth oedd gan adolygydd theatr Y Cymro ar y pryd : "Dyma enghraifft arall o’i ddawn arbennig [Ian Rowlands] i greu sioe theatrig drwy gyfuno set foel a thaflunio delweddau drwy’r cyfrifiadur arno. Dyma dechneg lwyddiannus welon ni yng nghynhyrchiad blaenorol y cwmni o hanes Frongoch, ac mae’r cyfanwaith yn llwyddo unwaith eto. Dyma theatr sy’n gwthio’r ffiniau traddodiadol, gan roi gwedd newydd ffres ar lwyfannau Cymru", nododd Paul Griffiths yn 2006.

Ail deithwyd y cynhyrchiad yn 2007 gyda'r cast canlynol :

• Eifion - Dafydd Dafis
• Mari - Ffion Dafis
• Seán - Lochlan Ó Mearáin
• Gwraig Seán - Bridin Nic Dhonncha