Bleddyn Williams

Oddi ar Wicipedia
Jump to navigation Jump to search
Bleddyn Williams
Bleddyn Williams 1950.jpg
Ganwyd 22 Chwefror 1923 Edit this on Wikidata
Sir Forgannwg Edit this on Wikidata
Bu farw 6 Gorffennaf 2009 Edit this on Wikidata (86 oed)
Caerdydd Edit this on Wikidata
Alma mater
Galwedigaeth newyddiadurwr, chwaraewr rygbi'r undeb Edit this on Wikidata
Gwobr/au MBE Edit this on Wikidata
Chwaraeon
Tîm/au Clwb Rygbi Caerdydd, Barbarian F.C., Tîm rygbi'r undeb cenedlaethol Cymru, Newbridge RFC, Y Llewod Prydeinig a Gwyddelig Edit this on Wikidata
Safle Maswr Edit this on Wikidata
Gwlad chwaraeon Cymru Edit this on Wikidata

Chwaraewr Rygbi'r Undeb a enillodd 22 o gapiau dros Gymru, fel canolwr yn bennaf, ac a adnabyddid fel "Tywysog y Canolwyr" oedd Bleddyn Llewellyn Williams, MBE (22 Chwefror 1923 - 6 Gorffennaf 2009).

Ganed ef yn Ffynnon Taf ger Caerdydd. Roedd yn un o chwaraewyr mwyaf nodedig Clwb Rygbi Caerdydd. Ef oedd capten tim Caerdydd pan gawsant fuddugoliaeth dros y Crysau Duon yn 1953 a ffurfiai bartneriaeth effeithiol dros ben i Gaerdydd ac i Gymru gyda’r canolwr arall, Jack Matthews. Chwaraeodd pob un o’i saith brawd i Gaerdydd hefyd.

Chwaraeodd nifer o weithiau drost dîm Cymru mewn gemau answyddogol yn ystod yr Ail Ryfel Byd cyn ennill ei gap cyntaf dros Gymru yn erbyn Lloegr ym Mharc yr Arfau yn 1947. Yn 1953 yr oedd yn gapten tîm Cymru pan gurwyd y Crysau Duon. Chwaraeodd ei gêm olaf dros Gymru yn erbyn Lloegr yn 1955. Sgoriodd saith cais dros Gymru a bu’n gapten y tîm bum gwaith i gyd, gyda Chymru’n ennill pob un o’r gemau hyn.

Aeth ar daith i Seland Newydd ac Awstralia gyda’r Llewod Prydeinig yn 1950, ac fe’i dewiswyd yn is-gapten. Chwaraeodd mewn pedair gêm brawf yn erbyn y Crysau Duon a dwy yn erbyn Awstralia, un o’r ddwy fel capten. Derbyniodd yr MBE am ei wasanaethau i rygbi.

Cysylltiad allanol[golygu | golygu cod y dudalen]