Bitterballen

Oddi ar Wicipedia
Jump to navigation Jump to search
Caiff Bitterballen eu bwyta fel pryd ysgafn yn yr Iseldiroedd, fel arfer gyda mwstard.


Bitterbal, yn dangos y roux meddal y tu mewn

Pryd of fwyd ysgafn wedi ei seilio ar gig o'r Iseldiroedd yw Bitterballen (lluosog o bitterbal). Caiff eu creu trwy wneud stiw trwchus iawn wedi'i dewychu â roux a stoc eidion a'i lwytho â chig; yna rhoi'r stiw yn yr oergell nes iddi fynd yn galed; ac yna rholio'r gymysgedd drwchus yn beli, eu gorchuddio â briwsion bara a'u ffrio. Mae cynhwysion y stiw fel arfer yn cynnwys winwns, halen a phupur, persli a nytmeg. Mae'r rhan fwyaf o ryseitiau'n cynnwys nytmeg, ac mae yna amrywiadau hefyd gan ddefnyddio powdr cyri, neu sy'n ychwanegu llysiau wedi'u torri'n fân megis moron.[1][2] Mae'r cynhwysion yn cael eu cyfuno a'u coginio, yna eu hoeri er mwyn i'r gymysgedd gadarnhau. Unwaith y bydd yn gadarn, caiff y cymysgedd ei rolio i mewn i beli tua 3cm i 4cm mewn diamedr cyn ei orchuddio a'u ffrio'n ddwfn.[3] Fel arfer maent yn cael eu gweini â chawslestr ramecin neu bowlen fach o fwstard er mwyn dipio. Maen nhw'n cael eu bwyta yn Swrinam, Antilles yr Iseldiroedd,[4] yr Iseldiroedd, Gwlad Belg, ac i raddau yn Indonesia.

Mae bitterballen yn debyg iawn i'r fersiwn Iseldireg o kroketten (lluosog o kroket). Mae ganddynt gynhwysion tebyg a dulliau paratoi / coginio tebyg, yn ogystal â'u blas, er bod gan y kroketten mwy siâp hirsgwar / hirgrwn amlwg fel selsig, ond gyda diamedr tebyg.[5] Mae'r bitterbal yn deillio ei enw o air cyffredinol am rai mathau o ddiodydd alcoholig â blas perlysiau, a elwir yn bitter yn Iseldireg. Mae'n boblogaidd i'w weini fel rhan o bittergarnituur, casgliad o brydiau ysgafn sawrus i fynd gyda diodydd, mewn tafarndai neu mewn derbynfeydd yn yr Iseldiroedd.[2]

Cyfeiriadau[golygu | golygu cod y dudalen]

  1. Bitterballen from curry mash (recipe in Dutch) | Smulweb.nl
  2. 2.0 2.1 Bitterballen - Dutch Cocktail Croquettes - LifeStyle Food
  3. 240.000 Rezepte / Kochrezepte bei Chefkoch.de
  4. Caribbean Croquettes: Bitterbal
  5. Authentic Dutch Bitterballs | Yummy Dutch