Bernard de Ventadour

Oddi ar Wicipedia
Neidio i: llywio, chwilio
Bernard de Ventadour
BnF ms. 12473 fol. 15v - Bernart de Ventadour (1).jpg
Ganwyd 1130 Edit this on Wikidata
Moustier-Ventadour Edit this on Wikidata
Bu farw 1190 Edit this on Wikidata (60 oed)
Sainte-Trie Edit this on Wikidata
Gwaith Trwbadŵr, bardd, awdur, cyfansoddwr Edit this on Wikidata
Gweler hefyd Ventadour (gwahaniaethu).
Bernard de Ventadour, darlun lliw o'r 13eg ganrif

Roedd Bernard de Ventadour (Ffrangeg) neu Bernart de Ventadorn (Ocsitaneg/Profensaleg) (tua 1125, Ventadour - tua 1195) yn un o'r enwocaf o'r trwbadwriaid (Ffrangeg: troubadours).

Ychydig iawn a wyddom yn bendant am fywyd y bardd. Cedwir ei hanes yn y bywgraffiadau a gyfansoddwyd tua hanner can mlynedd ar ôl ei farw, ond mae'r vidas hyn, fel bucheddau'r saint, yn cynnwys deunydd sy'n wir am y trwbadwriaid yn gyffredinol ynghyd ag elfennau apocryffaidd am anturiiaethau carwriaethol. Dywedir ei fod yn fab i filwr cyflog yng ngwasanaeth arglwydd castell Ventadour, yn Corrèze, Profens, a gwraig a ofalai am y pobty a gwneud bara yno. Ond does dim sicrwydd am hynny ac mae ffynonellau eraill yn awgrymu ei fod yn perthyn mewn gwirionedd i linach arglwyddi Ventadour ac iddo farw yn abad ar abaty Saint-Martin de Tulle. Gwyddys iddo ddod yn ddisgybl barddol i'r vicomte Ebles III Lo Cantador ("Y Cantor") a'i noddodd a'i ddysgodd sut i gyfansoddi ar y mydrau trobar. Yn ôl traddodiad, cyfansoddodd gerddi serch i wraig ifanc mab Ebles III ac mewn canlyniad bu rhaid iddo ffoi Ventadour.

Treuliodd gyfnod yng ngwasanaeth Eleanor d'Aquitaine a oedd wedi priodi Harri Plantagenet, ac wedyn bu'n canu yn llys Raymond V o Toulouse. Yn ôl ei vida, treuliodd ei flynyddoedd olaf yn Abaty Dalon.

Mae ei gerddi - cansons ("caneuon") yn yr iaith Occitan - yn goeth ac thryloyw, wedi eu trwytho a'i brofiadau a theimladau personol. Cerddi i'w canu oedd y cansons (Ffrangeg: chansons), fel cerddi'r trwbadwriaid yn gyffredinol, ac mae Bernard yn cael ei ystyried yn un o gerddorion gorau ei oes yn ogystal â bod yn un o feirdd mawr y canu serch Profensaleg.

Llyfryddiaeth[golygu | golygu cod y dudalen]

  • Marguerite-Marie Ippolito, Bernard de Ventadour : troubadour limousin du XIIe siecle : prince de l’amour et de la poésie romane, Paris, L’Harmattan, 2001 ISBN 2-7475-0017-9
  • Léon Billet, Bernard de Ventadour, troubadour du XIIe siecle : promoteur de l'amour courtois : sa vie, ses chansons d'amour, Tulle, Orfeuil, 1974
  • Moshé Lazar (gol.), Chansons d'amour de Bernart de Ventadorn, Carrefour Ventadour, 2001 ISBN 2-9516848-0-0
  • Carl Appel, Introduction à Bernart de Ventadorn, Carrefour Ventadour, 1990, ISBN 2-9516848-3-5

Dolenni allanol[golygu | golygu cod y dudalen]

Gweler hefyd[golygu | golygu cod y dudalen]