Beclometasone dipropionate

Oddi ar Wicipedia
Jump to navigation Jump to search
Beclometasone dipropionate.png
Data cyffredinol
Enghraifft o'r canlynolcyfansoddyn cemegol, meddyginiaeth, cyffur hanfodol, tocsidydd datblygol Edit this on Wikidata
Màs520.222781 Uned dalton edit this on wikidata
Fformiwla gemegolC₂₈h₃₇clo₇ edit this on wikidata
Enw WHOBeclometasone edit this on wikidata
BeichiogrwyddCategori beichiogrwydd awstralia b3 edit this on wikidata
Yn cynnwyscarbon Edit this on Wikidata
Tudalen Comin Ffeiliau perthnasol ar Gomin Wicimedia

Mae beclometasone dipropionate, sydd hefyd yn cael ei alw'n beclomethasone dipropionate yn feddyginiaeth steroid. Mae'n cael ei werthu yn y Deyrnas Unedig o dan yr enwau brand Qvar, Clenil Modulite ac Asmabec Clickhaler[1]. Mae ar gael fel anadlydd, hufen, pils, a chwistrell drwynol. Defnyddir y ffurf anadlu i reoli asthma yn y tymor hir. Gellir defnyddio'r hufen ar gyfer dermatitis a soriasis. Mae'r pils wedi cael eu defnyddio i drin colitis wlserol. Defnyddir y chwistrell drwynol i drin rhinitis alergaidd a pholypau trwynol.

Mae sgil effeithiau cyffredin gyda'r ffurf anadlu yn cynnwys heintiau anadlol, cur pen, a llid y gwddf. Mae sgil effeithiau difrifol yn cynnwys risg uwch o haint, cataractau, Syndrom Cushing, ac adweithiau alergaidd difrifol. Gall defnydd hirdymor y ffurf bilsen achosi annigonolrwydd uwcharennol. Gall y pils hefyd achosi newidiadau tymer neu bersonoliaeth. Yn gyffredinol, ystyrir bod y ffurf anadlu yn ddiogel yn ystod beichiogrwydd.

Rhoddwyd patent i beclometasone dipropionate ym 1962 gan ei ddefnyddio'n feddygol ers 1972. Mae ar Restr Meddyginiaethau Hanfodol Sefydliad Iechyd y Byd, y meddyginiaethau mwyaf effeithiol a diogel sydd eu hangen mewn system iechyd.

Cyfeiriadau[golygu | golygu cod y dudalen]

  1. NICE Beclometasone dipropionate adalwyd 25 Ionawr 2018


Cyngor meddygol

Sgrifennir tudalennau Wicipedia ar bwnc iechyd er mwyn rhoi gwybodaeth sylfaenol, ond allen nhw ddim rhoi'r manylion sydd gan arbenigwyr i chi. Mae llawer o bobl yn cyfrannu gwybodaeth i Wicipedia. Er bod y mwyafrif ohonynt yn ceisio osgoi gwallau, nid ydynt i gyd yn arbenigwyr ac felly mae'n bosib bod peth o'r wybodaeth a gynhwysir ar y ddalen hon yn anghyflawn neu'n anghywir.

Am wybodaeth lawn neu driniaeth ar gyfer afiechyd, cysylltwch â'ch meddyg neu ag arbenigwr cymwys arall!