Baner Tiwnisia

Oddi ar Wicipedia
Neidio i: llywio, chwilio
FIAV 111111.svg Ratio'r baner: 2:3

Baner o liw goch gyda cilgant a seren goch ar gefndir o gylch gwyn yn ei chanol yw cynllun baner Tiwnisia (Arabeg: علم تونس).

Nid yw wedi newid llawer ers iddi gael ei mabwysiadu am y tro cyntaf yn 1831 gan y bey Tiwnisiaidd Hassine I. Mae'r cilgant a'r seren yn symbolau Islamaidd tradodiadol sy'n adlewyrchu'r ffaith fod Tiwnisia yn wlad Foslemaidd ers y 7fed ganrif; maent yn arwyddo ffawd dda hefyd. Cyflwynwyd y faner yn y cyfnod o reolaeth gan Ymerodraeth yr Otomaniaid ar y wlad, ac mae ei chynllun yn bur debyg i gynllun baner Twrci. Ar ôl i Diwnisia ennill ei hannibyniaeth oddi ar Ffrainc yn 1956, mabwysiadwyd y faner Otomanaidd o newydd gyda dim ond y mymryn lleiaf o newidiadau. Heddiw fe'i gwelir yn hedfan ymhobman fel arwyddlun amlwg o'r wlad.