Baner Sir Benfro

Cynlluniwyd Baner Sir Benfro yn 2008 gan ddwy artist tecstilau: Eirian Short ac Audrey Walker a'i harddangos gyntaf yng Ngorymdaith Genedlaethol Gŵyl Ddewi ar 1 Mawrth 2009. Fe'i seiliwyd ar eiriau Anthem Genedlaethol Gŵyl Ddewi (Cenwch y Clychau i Ddewi) gan Gwenno Dafydd a rhai o nodweddion pensaernïol Eglwys Gadeiriol Tyddewi a Phalas yr Esgob.

Gwnaed y faner gan aelodau o Gild Brodio Sir Benfro a Chymdeithas Gelfyddydau Abergwaun. Gellir ei gweld yn Eglwys Gadeiriol Tyddewi, Sir Benfro.

Rhai symbolau

• Gwenyn a mêl, yn symbol Celtaidd a gysylltir gyda Dewi Sant.
• Hadau'n egino: yn symbol o eiriau honedig Dewi: Gwnewch y pethau bychain'.
• Y môr: nodwedd o arfordir Sir Benfro.
• Gwyddbwyll: ceir patrwm y bwrdd gwyddbwyll ym muriau Palas yr Esgob.
• Nenfwd pren yr eglwys
• Cloch: Cennwch y clychau i Ddewi medd awdur geiriau'r Anthem, sef Gwenno Dafydd.
• Symbolau ar gerrig muriau'r gadeirlan.

Gweler hefyd

• Rhestr baneri Cymru