Bailey Davies

Oddi ar Wicipedia
Jump to navigation Jump to search
Bailey Davies
David Bailey Davies.jpg
Ganwyd3 Rhagfyr 1884 Edit this on Wikidata
Llanwenog Edit this on Wikidata
Bu farw24 Awst 1968 Edit this on Wikidata
Hendon Edit this on Wikidata
DinasyddiaethBaner Cymru Cymru
Alma mater
Galwedigaethchwaraewr rygbi'r undeb Edit this on Wikidata
Chwaraeon
Tîm/auTîm rygbi'r undeb cenedlaethol Cymru, Clwb Rygbi Cymry Llundain, Clwb Rygbi Llanelli Edit this on Wikidata
SafleCefnwr Edit this on Wikidata

Roedd David Bailey "Beili" Davies (3 Rhagfyr 1884 - 24 Awst 1968) [1] yn gefnwr rygbi'r undeb Cymreig a chwaraeodd rygbi clwb i Brifysgol Rhydychen, Llanelli a Chymru Llundain a rygbi rhyngwladol i Gymru.

Cefndir[golygu | golygu cod y dudalen]

Ganwyd Davies yn Llanwenog, Sir Gaerfyrddin [2] yn ail fab Mr Thomas Davies, o Fferm Baileycoch, ger Llanbedr Pont Steffan.[3] Addysgwyd ef yn Ysgol Ramadeg Dewi Sant, Llanbedr Pont Steffan, a Choleg Dewi Sant, Llanbedr Pont Steffan. O Lanbedr fe aeth i Goleg yr Iesu, Rhydychen lle bu'n astudio mathemateg cyn graddio ym 1908. Chwaraeodd yn safle'r cefnwr yn nhîm rygbi'r brifysgol ym 1905, 1906 a 1907 a chafodd ei gapio dros Gymru yn erbyn Lloegr ym 1907. [4] Bu ei frawd Austin Davies hefyd yn chware rygbi dros Lanelli

Gyrfa[golygu | golygu cod y dudalen]

Ar ôl gadael y Brifysgol ym 1908, cafodd ei dderbyn fel meistr cynorthwyol yng Ngholeg Llanymddyfri. Y flwyddyn ganlynol symudodd i Loegr, gan ddod yn feistr cynorthwyol yn Ysgol Merchant Taylors, Llundain, lle bu'n bennaeth ar y Corfflu Hyfforddi Swyddogion [5] ac yn gweithredu fel hyfforddwr Rygbi'r Ysgol.

Cyn dechrau'r Rhyfel Byd Cyntaf, penodwyd Davies yn 2il Is gapten yn y Corfflu Hyfforddi Swyddogion. Ym 1917 gwirfoddolodd am wasanaeth gweithredol a chafodd ei bostio i 13eg Catrawd Llundain. Gwasanaethodd yn Ffrainc ac ym 1918 dyfarnwyd y Groes Filwrol iddo am ddewrder wedi iddo achub milwyr clwyfedig yn ystod patrôl nos chipio 27 o Almaenwyr a dau wn peiriant.[6]

Ar ddiwedd y Rhyfel dychwelodd Davies i Merchant Taylors gan barhau i arwain y Corfflu Hyfforddi Swyddogion. Ym1926 cafodd ei ordeinio yn offeiriad Eglwys Loegr ond parhaodd yn ei swydd fel athro. Pan symudodd yr Ysgol Merchant Taylors o Lundain i Northwood ym 1933 penodwyd Davies yn feistri un o dai preswyl yr Ysgol. Yn ystod yr Ail Ryfel Byd bu'n rhedeg uned Gwarchodlu Cartref yr ysgol. Ym 1946 gadawodd Merchant Taylors a aeth yn Rheithor yn Sutton ac Eyeworth, Swydd Bedford, gan barhau yn y swydd hyd 1957.[7] Roedd ei adloniant ar ôl ymddeol yn cynnwys golff a hyfforddi'r tîm rygbi lleol, gan weithredu fel dyfarnwr mewn sawl gêm.

Ymddeolodd i Seer Green yn Swydd Buckingham ac yn ddiweddarach i Hendon,

Gyrfa rygbi[golygu | golygu cod y dudalen]

Brifysgol Rhydychen, gan ennill tri Chrys Glas chwaraeon ym 1905, 1906 a 1907[8] bu'n rhan o'r tîm rhyng golegol a gurodd Caergrawnt ym 1907. [9] Chwaraeodd yn erbyn y Crysau Duon yn ystod eu taith ym 1905 a chafodd ei gapio i Gymru fel cefnwr pan guron nhw Loegr ar 12 Ionawr, yng ngêm agoriadol Pencampwriaeth y Pedair Gwlad 1907 . [10]

Gemau rhyngwladol[golygu | golygu cod y dudalen]

Cymru

Teulu[golygu | golygu cod y dudalen]

Ym 1914 priododd Davies â Elsie Mary (née Pullinger) [11] merch William Henry Russell Pullinger YH , bu iddynt pedair merch

Marwolaeth[golygu | golygu cod y dudalen]

Bu farw yn Hendon yn 83 mlwydd oed amlosgwyd ei weddillion a gwasgarwyd ei ludw ym mynwent ei gyn eglwys yn Sutton. Gosodwyd llechen goffa yn yr eglwys ym 1978, er cof am Davies a’i wraig

Llyfryddiaeth[golygu | golygu cod y dudalen]

  • Jenkins, John M.; et al. (1991). Who's Who of Welsh International Rugby Players. Wrexham: Bridge Books. ISBN 1-872424-10-4.
  • Smith, David; Williams, Gareth (1980). Fields of Praise: The Official History of The Welsh Rugby Union. Caerdydd: Gwasg Prifysgol Cymru. ISBN 0-7083-0766-3.

Cyfeiriadau[golygu | golygu cod y dudalen]

  1. David Davies player profile Scrum.com
  2. "Statsguru / Players & Officials / Bailey Davies". ESPN Scrum. 2009. Cyrchwyd 3 March 2009.
  3. Pearce, Walter Alfred (1907-01-12). "The Welsh Fullback". Papurau Cymru LlGC. Evening Express. Cyrchwyd 2021-04-22.
  4. "MC FOR OLD LLANELLY PLAYERI - Llanelly Star". Brinley R. Jones. 1918-07-20. Cyrchwyd 2021-04-22.
  5. Jenkins (1991), p. 37.
  6. "FOOTBALLERMC - The Cambria Daily Leader". Frederick Wicks. 1918-07-17. Cyrchwyd 2021-04-22.
  7. Jenkins (1991), p. 37.
  8. Pearce, Walter Alfred (1905-12-06). "WELSHMAN GETS HIS "BLUE."". Papurau Cymru LlGC. Evening Express. Cyrchwyd 2021-04-22.
  9. Jenkinson, Leonard (1994-1995). "Jesus College's Rugby Internationals". The Jesus College Record (Jesus College, Oxford): 62–63.
  10. "Statsguru / Players & Officials / Bailey Davies". ESPN Scrum. 2009. Cyrchwyd 3 March 2009.
  11. "No title - Herald of Wales and Monmouthshire Recorder". [s.n.] 1914-04-25. Cyrchwyd 2021-04-22.