Azariah Shadrach

Oddi ar Wicipedia
Jump to navigation Jump to search
Azariah Shadrach
Ganwyd 24 Mehefin 1774 Edit this on Wikidata
Llanfair Nant y Gôf Edit this on Wikidata
Bu farw 18 Ionawr 1844 Edit this on Wikidata (69 oed)
Dinasyddiaeth Baner Cymru Cymru
Galwedigaeth gweinidog, ysgrifennwr Edit this on Wikidata

Gweinidog ac awdur testunau crefyddol Cymreig oedd Azariah Shadrach (24 Mehefin 177418 Ionawr 1844), a enillodd i'w hun yr enw "Bunyan Cymru"[1] am iddo gyhoeddi pedwar llyfr ar hugain o lyfrau defosiynol ac esboniadol yn amlygu ei Galfiniaeth uniongred.

Bywgraffiad[golygu | golygu cod y dudalen]

Brodor o blwyf Llanfair ger Abergwaun yn Sir Benfro oedd Azariah, lle y'i ganed yn 1774. Ar ôl treulio cyfnod yn cadw ysgolion lleol yng ngogledd Cymru, daeth yn weinidog gyda'r Annibynwyr yn Llanrwst yn 1802. Ar ôl cyfnodau ym mhlwyfi Tal-y-bont a Llanbadarn Fawr yng Ngheredigion, daeth yn weinidog capel Seion yr Annibynwyr yn Aberystwyth. Bu farw yn 1844.[1]

Gwaith llenyddol[golygu | golygu cod y dudalen]

Roedd yn Galfinydd uniongred a wrthwynebai Arminiaeth. Un o'i lyfrau cynharaf oedd Allwedd Myfyrdod (1801). Ysgrifennai yn Gymraeg yn bennaf ond mae ei waith yn cynnwys un llyfr Saesneg, sef Meditations on Jewels a gyhoeddwyd yn 1883 bron i ddeugain mlynedd ar ôl ei farwolaeth. Am gyfnod bu cryn fri ar y llyfrau hyn.[1]

Llyfryddiaeth ddethol[golygu | golygu cod y dudalen]

  • Allwedd Myfyrdod (1801)
  • Drych Cywir (1807)
  • Rhosyn Saron (1816)
  • Tabernacl Newydd (1821)
  • Meditations on Jewels (1883)

Cyfeiriadau[golygu | golygu cod y dudalen]

  1. 1.0 1.1 1.2 Meic Stephens (gol.), Cydymaith i Lenyddiaeth Cymru (Gwasg Prifysgol Cymru).