Aston Martin

Oddi ar Wicipedia
Jump to navigation Jump to search
Aston Martin Lagonda Limited
Math o fusnes
Cwmni preifat
Diwydiant Cynhyrchu ceir
Sefydlwyd Llundain, 1913 (1913)
Sefydlydd
  • Lionel Martin
  • Robert Bamford
Pencadlys Gaydon, Swydd Warwick, Lloegr
Pobl allweddol
Cynnyrch Ceir
Cyllid £474.3 miliwn (2010)[2]
£7.6 miliwn (2010)[2]
Perchennog/ion Prestige Motor Holdings (39%)
Asmar (19%)
Primewagon (Jersey) Ltd (19%)
Adeem Investments (11%)
Daimler (5%)
DAR Capital (5%)
Sthewaz Automotive (2%)
Eraill (10%)
Gweithwyr
1,250 (2010)[3]
Is-gwmni/au
  • Aston Martin Racing (50%)
  • Lagonda (100%)
astonmartin.com

Gwneuthurwr ceir moethus o wledydd Prydain ydy Aston Martin Lagonda Limited a sefydlwyd yn 1913 gan Lionel Martin a Robert Bamford. Er fod y cwmni'n cynhyrchu ceir ers dros can mlynedd, dim ond 70,000 o geir a gynhyrchwyd. Yn 2013 gwnaeth y cwmni golled o £25.4m. Ymhlith y modelau mwyaf cyfoes mae'r DB11 a'r car heibrid newydd, yr Aston Martin Valkyrie; yn 2018, dorchuddiwyd cynlluniau car trydan a all gystadlu gyda Rolls Royce a Bentley: sef y Lagonda.

Daeth y cwmni'n adnabyddus am geir moethus mawr yn y 1950au a'r 1960au yn dilyn ffilmio Goldfinger yn 1964 a chysylltiad James Bond gyda'r DB5.

Aston Martin Virage coupé (2011–2012)

Yn ariannol bu'r cwmni mewn trafferthion ariannol am flynyddoedd, ac aeth yr hwch drwy'r siop yn y 1970au; ond cafwyd dyddiau da hefyd, yn enwedig pan roedd David Brown yn berchennog (rhwng 1947 a 2007).

Ym Mawrth 2007, prynnwyd 92% o'r cwmni Aston Martin gan gonsortiwm o fuddsoddwyr, dan arweiniad David Richards, am £479 miliwn, gyda Ford yn dal eu gafael mewn gwerth £40 miliwn o'r cwmni.[4] Daeth David Richards yn gadeirydd. Yn Rhagfyr 2012 arwyddodd y cwmni Eidalaidd Investindustrial[5] gytundeb i brynnu 37.5% o Aston Martin, gan fuddsoddi £150 miliwn.[6][7]

Aston Martin DBR9 (2007)

Sain Tathan[golygu | golygu cod y dudalen]

Yn Chwefror 2016 cyhoeddodd Aston Martin eu bwriad i greu ffatri cynhyrchu ceir yn Sain Tathan, ym Mro Morgannwg a fyddai'n cyflogi oddeutu mil o swyddi.[8] Dywedodd Prif Weithredwr Aston Martin Andy Palmer mewn cyfarfod i'r wasg yng Nghaerdydd fod hwn yn "ddiwrnod anrhaethol fawr i Gymru". Disgwylir y bydd y ceir yn dechrau rowlio allan o'r ffatri yn 2020. Ar y dechrau, petrol fydd y tanwydd, yna heibrid cyn troi'n gyfangwbwl yn gar trydan. Dadorchuddiwyd y car a fydd yn cael ei greu yn Sain Tathan, y DBX yn Sioe Gerbydau Geneva yn 2015 ac yna y flwyddyn dilynol cyflwynwyd yr Aston Martin cyntaf i gynnwys technoleg Mercedes, sef y DB11; bydd yn ddau gar yma'n costio oddeutu £160,000 y car.

Bydd y cwmni'n defnyddio hangar a fwriadwyd ar gyfer trwsio awyrennau rhyfel ac a foderneiddiwyd yn 2006 ar gost o £113m gyda'r enw Red Dragon Super Hanger, ond bu'n wag ers hynny.

Ceir James Bond[golygu | golygu cod y dudalen]

Defnyddiwyd nifer o geir Aston Martin fel ceir y cymeriad James Bond. Defnyddiwyd y DB5 yn fwy na'r un arall ac yn 2015 crewyd can arbennig ar ei gyfer - y DB10, a gwerthwyd un o'r rhain, ar ôl y ffilmio am £2.5 miliwn.

  • Goldfinger - DB5
  • Thunderball - DB5
  • On Her Majesty's Secret Service - DBS
  • The Living Daylights - V8 Vantage a Volante
  • GoldenEye - DB5
  • Tomorrow Never Dies - DB5
  • The World Is Not Enough - DB5
  • Die Another Day - V12 a Vanquish
  • Casino Royale - DB5, Aston Martin DBS a V12
  • Quantum of Solace - DBS a V12
  • Skyfall - DB5
  • Spectre - DB10 a DB5

Cyfeiriadau[golygu | golygu cod y dudalen]

  1. "L'auto di James Bond diventa italiana. Investindustrial rileva Aston Martin" (yn Italian). 7 December 2012. Cyrchwyd 23 Awst 2014.CS1 maint: Unrecognized language (link)
  2. 2.0 2.1 Wright, William (6 Mehefin 2011). "Aston Martin revs up to raise capital". Financial News. Cyrchwyd 28 Medi 2011.
  3. "England, Third of jobs go at Aston Martin". BBC News. 1 Rhagfyr 2008. Cyrchwyd 29 Ebrill 2009.
  4. "Ford sells Aston Martin for $925 million". CarTech. 12 March 2007. Cyrchwyd 14 Ionawr 2013.
  5. "Investments: Aston Martin". Investindustrial. Cyrchwyd 9 August 2014.
  6. "Aston Martin sells stake to Investindustrial". BBC News. 7 Rhagfyr 2012. Cyrchwyd 7 Rhagfyr 2012.
  7. Jones, Rhys; Clark, Jennifer (7 Rhagfyr 2012). "Italian private equity fund Investindustrial has signed a deal to buy 37.5 percent of Aston Martin Lagonda Ltd ASTON.UL from its Kuwaiti owner Investment Dar". Reuters. Cyrchwyd 14 Rhagfyr 2013.
  8. Gwefan y BBC; adalwyd 24 Chwefror 2016.