Ysgol Dyffryn Nantlle

Ysgol Uwchradd Dyffryn Nantlle
Arwyddair	Delfryd dysg, cymeriad
Sefydlwyd	1898
Math	Uwchradd
Cyfrwng iaith	Cymraeg
Lleoliad	Ffordd y Brenin, Pen-y-groes, Gwynedd, Cymru, LL54 6AA
AALl	Cyngor Gwynedd
Disgyblion	558
Rhyw	Merched a bechgyn
Oedrannau	11–18

Ysgol uwchradd Gymraeg ym Mhen-y-groes, Gwynedd, ydy Ysgol Dyffryn Nantlle. Sefydlwyd yr ysgol ym 1898 fel Ysgol Ramadeg Penygroes ar y safle lle saif ysgol gynradd y pentref, sef Ysgol Bro Lleu heddiw.

Arwyddair yr ysgol ydy Delfryd dysg, cymeriad.

Roedd 558 o ddisgyblion yn yr ysgol yn 2006. Gall 91% o'r disgyblion siarad Cymraeg i lefel iaith gyntaf, er mai 78% sy'n dod o gartrefi lle'r Cymraeg yw'r brif iaith.

Eisteddfod Gadeiriol Ysgol Dyffryn Nantlle ydy un o'r Eisteddfodau Ysgol hynaf yng Nghymru, a gynhelir ar ddiwedd mis Hydref. Yn Rhagfyr 2008, fe wnaeth yr ysgol gymryd rhan mewn cyngerdd ynghyd â Bryn Terfel yn Galeri, Caernarfon; gan ganu chwe chân newydd â gomisiynwyd gan Robat Arwyn - yn dwyn y teitl: 'Yn dy Gwmni Di".

Cyn-ddisgyblion

Ymysg ei chyn-ddisgyblion o nod mae:

• Robat Arwyn, cyfansoddwr
• Mari Emlyn, digrifwraig
• Bryn Fôn, diddanwr
• Dafydd Glyn Jones, ysgolhaig
• Wynfford Ellis Owen, awdur, actor
• Gerallt Pennant, naturiaethwr, cyflwynydd
• Cefin Roberts, awdur, yn y byd celfyddydol
• Bryn Terfel, canwr opera byd enwog
• Angharad Tomos, awdures
• Aled Jones Williams, awdur
• Rhiannon Wyn, awdures

Ysgolion cynradd yn nhalgylch yr ysgol

• Ysgol Bro Llifon (Groeslon/Y Fron/Carmel)
• Ysgol Brynaerau (Pontllyfni/Clynnog Fawr)
• Ysgol Llanllyfni (Llanllyfni)
• Ysgol Baladeulyn (Nantlle)
• Ysgol Nebo (Nebo & Nasareth)
• Ysgol Bro Lleu (Pen-y-groes)
• Ysgol Talysarn (Talysarn)
• Ysgol Rhosgadfan (Rhosgadfan)
• Ysgol Felinwnda (Dinas/Llanwnda/Saron)

Dolenni allanol

• Gwefan Swyddogol Archifwyd 2007-02-05 yn y Peiriant Wayback.

Cyfeiriadau

Eginyn erthygl sydd uchod am ysgol yng Nghymru. Gallwch helpu Wicipedia drwy ychwanegu ato.