Seisyll ap Clydog

Oddi ar Wicipedia
Seisyll ap Clydog
GanwydTeyrnas Ceredigion Edit this on Wikidata
DinasyddiaethTeyrnas Ceredigion, Seisyllwg Edit this on Wikidata
Galwedigaethteyrn Edit this on Wikidata
Blodeuodd730 Edit this on Wikidata
TadClydog ab Arthwys Edit this on Wikidata
PlantArthen ap Seisyll Edit this on Wikidata

Brenin Teyrnas Ceredigion a sefydlydd Teyrnas Seisyllwg oedd Seisyll ap Clydog (bl. tua 665 - tua 740). Prin yw ein gwybodaeth amdano.

Hanes[golygu | golygu cod]

Ar ddechrau'r 8g rheolai Seisyll ap Clydog yng Ngheredigion. Yn ôl yr achau traddodiadol roedd yn un o ddisgynyddion Ceredig fab Cunedda, sylfaenydd Ceredigion. Tua'r flwyddyn 730 cipiodd Seisyll dri chantref Ystrad Tywi oddi wrth Rhain ap Cadwgan, brenin Dyfed, a'i ychwanegu at ei deyrnas ei hun. Yn nes ymlaen rhoddwyd yr enw Seisyllwg ar y deyrnas estynedig newydd, ond mae haneswyr diweddar yn nodi bod yr enw hwnnw i'w cael mewn dogfennau canoloesol diweddarach ac mai fel Ceredigion y cyfeirir at y deyrnas yn yr ychydig ffynonellau cyfoes.[1] Cofnodir fod ei fab, Arthen ap Seisyll, wedi marw yn 807. Parhaodd Seisyllwg hyd 920 pan ddaeth yn rhan o deyrnas Deheubarth.

Cyfeiriadau[golygu | golygu cod]

  1. Wendy Davies, Early Medieval Wales (Prifysgol Caerlyr, 1982), tud. 110.