Herbert Watkin Williams-Wynn
| Herbert Watkin Williams-Wynn | |
|---|---|
| Ganwyd | 29 Ebrill 1822  Llundain |
| Bu farw | 22 Mehefin 1862 |
| Dinasyddiaeth |  Cymru |
| Galwedigaeth | swyddog milwrol, gwleidydd |
| Swydd | Aelod Seneddol, Aelod o 18fed Senedd y Deyrnas Unedig, Aelod o 17eg Senedd y Deyrnas Unedig, Aelod o 16eg Senedd y Deyrnas Unedig, Aelod o 15fed Senedd y Deyrnas Unedig |
| Plaid Wleidyddol | y Blaid Geidwadol |
| Tad | Syr Watkin Williams-Wynn, 5ed Barwnig |
| Mam | yr Arglwyddes Henrietta Clive |
| Priod | Anna Lloyd |
| Plant | Edward Watkin Williams-Wynn, Helen Florentila Williams-Wynn, Syr Herbert Williams-Wynn, 7fed Barwnig, Syr Watkin Williams-Wynn, 9fed barwnig |
Roedd y Cyrnol Herbert Watkin Williams-Wynn (29 Ebrill 1822 – 22 Mehefin 1862) yn filwr ac yn Aelod Seneddol Ceidwadol dros etholaeth Maldwyn.[1]
Cefndir[golygu | golygu cod]
Ganwyd Williams-Wynn yn Llundain ym 1822. Roedd yn ail fab i Syr Watkin Williams-Wynn, 5ed Barwnig a Henrietta merch Edward Clive, Iarll cyntaf Powys ac yn unig frawd i Syr Watkin Williams-Wynn, 6ed Barwnig.
Priododd Anna Lloyd merch Edward Lloyd Plas Cefn Meiriadog, Llanelwy ar 26 Gorffennaf 1855, bu hi farw ym 1926; bu iddynt bedwar o blant:
- Is gapten Edward Watkin Williams-Wynn (1857-1880); bu farw mewn damwain wrth yrry canŵ ar Afon Tafwys [2]
- Helen Florentila Williams-Wynn (1858- 1956)
- Syr Herbert Lloyd Watkin Williams-Wynn, 7fed Barwnig (1860- 1944)
- Syr Robert William Herbert Williams-Wynn, 9fed Barwnig (1862-1951)[3]
Gyrfa[golygu | golygu cod]
Ymunodd ar fyddin yn 1839 fel llumanwr gan gael ei ddyrchafu yn Is gyrnol yn 2il Gatrawd Gorllewin yr India ym 1854 gan ymadael ar fyddin reolaidd ym 1855. Bu'n wasanaethu wedyn fel Uwchgapten yng Nghatrawd Reiffl Gwirfoddol Sir y Fflint am weddill ei oes.
Gyrfa wleidyddol[golygu | golygu cod]
Cafodd ei ethol i'r senedd fel aelod Ceidwadol Maldwyn ar farwolaeth ei ewythr Charles Watkin Williams Wynn, gan wasanaethu am 4 tymor seneddol. Cafodd ei ethol yn ddiwrthwynebiad ar bob achlysur.
Marwolaeth[golygu | golygu cod]
Bu farw o ganlyniad i niweidiau derbyniodd o ganlyniad i gael ei daflu o'i gyfryw gan ei geffyl wrth ddychwelyd adref o gyfarfod o'r Catrawd Gwirfoddol ym 1862, roedd yn 40 oed. Rhoddwyd ei weddillion i orwedd yng nghladdgell ei deulu yn yr Eglwys Wen, Bodelwyddan.[4]
Cyfeiriadau[golygu | golygu cod]
- ↑ 'Death of Lt Col Herbert Williams Wynn Wrexham Advertiser 28 Mehefin 1862 tud 7 Col 5
- ↑ "No title - The Pembrokeshire Herald and General Advertiser". Joseph Potter. 1862-06-27. Cyrchwyd 2020-02-04.
- ↑ Colonel Herbert Watkin Williams-Wynn Tatton Park - Its' People [1] Archifwyd 2009-12-16 yn y Peiriant Wayback. adalwyd 19 Ebrill 2015
- ↑ Gwladgarwr 28 Mehefin 1862 [2] adalwyd 19 Ebrill 2015
| Senedd y Deyrnas Unedig | ||
|---|---|---|
| Rhagflaenydd: Charles Watkin Williams Wynn |
Aelod Seneddol Maldwyn 1850 – 1862 |
Olynydd: Charles Watkin Williams-Wynn |