Tylluan Wen (ffilm): Gwahaniaeth rhwng fersiynau
Tagiau: Gwrthdroi |
Dim crynodeb golygu |
||
Llinell 55: | Llinell 55: | ||
[[Categori:Ffilmiau 1996]] |
[[Categori:Ffilmiau 1996]] |
||
[[Categori:Ffilmiau Cymraeg]] |
[[Categori:Ffilmiau Cymraeg]] |
||
[[Categori:Ffilmiau sy'n seiliedig ar nofelau]] |
Fersiwn yn ôl 13:30, 17 Medi 2019
Cyfarwyddwr | Alun Ffred Jones |
---|---|
Cynhyrchydd | Ffilmiau'r Nant |
Ysgrifennwr | Angharad Jones |
Serennu | Siân James John Ogwen Betsan Llwyd Maldwyn John |
Cerddoriaeth | Sian James (Telyn) |
Dylunio | |
Cwmni cynhyrchu | Ffilmiau'r Nant / S4C |
Dyddiad rhyddhau | 1996 |
Gwlad | Cymru |
Iaith | Cymraeg |
Ffilm a gynhyrchwyd ym 1996 gan Ffilmiau'r Nant ar gyfer S4C yw Tylluan Wen. Mae'n addasiad o'r nofel Y Dylluan Wen gan Angharad Jones. Mae'r ffilm hon yn cael ei gwylio gan fyfyrwyr ysgol uwchradd fel rhan o faes llafur cwrs Cymraeg Llên TGAU (CBAC).
Crynodeb
Mae Martha/Eirlys yn dychwelyd at yr ardal lle y'i ganed hi i ddial ar Ifor Preis, ei chyn-brifathro, am farwolaeth ei thad. Mae hi'n gorfodi Ifor Preis i odinebu ar ei wraig ffyddlon (Meri) ac yn codi cywilydd ar y ddau, wrth iddi gyhoeddi'i pherthynas ag Ifor o flaen eu holl ffrindiau. Ceisia Ifor Preis, yn gandryll, ei thagu cyn ei gollwng. Wedyn mae Martha yn dial am farwolaeth ei thad trwy daro Ifor Preis ar ei ben â'i thelyn. Gwêl merch Ifor Preis, sef Gwen, y llofruddiad, a rhed i ganol yr heol. I achub bywyd Gwen mae Martha'n aberthu ei hunan wrth wthio Gwen allan o'r ffordd.
Newidia Martha ei henw o Eirlys i Martha i geisio sicrhau na chaiff ei hadnabod, ond erbyn y diwedd mae hen gogyddes yr ysgol, Mrs Roberts, yn darganfod pwy ydy hi wrth iddi ymweld â bedd ei thad. Yn ogystal â Mrs Roberts, mae Roger, sef cyn-ddisgybl yn yr ysgol, yn ei hadnabod o hen lun ysgol.
Symbolaeth
Mae llawer o symbolaeth yn y ffilm; gwelwn ôl-fflachiadau o Eirlys yn cael y gansen, y prifathro yn gwisgo mantell, a chan fod Martha yn cyrraedd yn gwisgo mantell, dengys hyn ei bod bellach yn rheoli. Yn nes ymlaen mae saethiad o Ifor Preis yn gwisgo ei fantell yn breifat yn dangos sut y mae ef eisiau adennill rheolaeth. Mewn rhannau lle mae Martha eisiau bod yn arbennig o fygythiol mae hi’n gwisgo coch. Clywir llawer o gerddoriaeth ailadroddus yn y ffilm - symbol o’r gorffennol yn ailadrodd ei hun - ac mae’n adeiladu tensiwn i uchafbwynt ar y diwedd. Symbol arall yn y ffilm yw'r delyn, offeryn a ddefnyddir ar y cyfan i greu, ond tua diwedd y ffilm i ddinistrio, yn debyg i'r gansen yn y nofel 'Y Dylluan Wen'.
Cymeriadau ac actorion
Cymeriad | Actorion |
---|---|
Martha/Eirlys | Siân James |
Ifor Preis | John Ogwen |
Meri Preis | Betsan Llwyd |
Roger | Maldwyn John |
Tylluan | Sifyn y Dylluan |
Dolenni allanol
- (Saesneg) Tylluan Wen ar wefan Internet Movie Database