Belffast

Lleoliad Belffast

Neuadd Dinas Belffast

Prifysgol y Frenhines, Belffast

Belffast (Gwyddeleg: Béal Feirste; Saesneg: Belfast) yw dinas fwyaf a phrifddinas Gogledd Iwerddon. Mae dros hanner miliwn o bobol yn byw yn ardal Belffast. Mae'n borthladd ar lannau Afon Lagan lle mae'r afon honno'n llifo i Lough Belffast, ar y ffin rhwng Swydd Antrim a Swydd Down. Mae'n gartref i iard longau Harland and Wolfe ac yn brif ganolfan diwydiannol y dalaith. Ym Melffast ceir prif adeiladau gweinyddiaeth Gogledd Iwerddon, gan gynnwys Neuadd Dinas Belffast (1906) ac Adeilad y Senedd (Stormont) (1932). Rhoddwyd ei siarter i Brifysgol y Frenhines ym 1909.

Am flynyddoedd roedd yr enw 'Belffast' bron yn gyfystyr â 'Helyntion Gogledd Iwerddon', gyda'r ddinas a'i chymuned wedi'u rhannu ar linellau ethnig a chrefyddol. Lladdwyd rhai cannoedd o bobl ar ei strydoedd rhwng dechrau'r 1970au a'r 1990au.

Adeiladau a chofadeiladau

• Adeilad y Senedd
• Arena Odyssey
• Crown Liquor Saloon
• Neuadd Dinas Belffast
• Neuadd Ulster
• Theatr Lyric

Enwogion

• C. S. Lewis (1898-1963), awdur
• Siobhán McKenna (1923--1986), actores
• Frank Carson (g. 1928), comediwr
• Heather Harper (g. 1930), cantores
• James Galway (g. 1939), cerddor
• Van Morrison (g. 1945), canwr
• Gerry Adams (g. 1948), gwleidydd
• Alex Higgins (g. 1949), chwaraewr snwcer
• Kenneth Branagh (g. 1960), actor

Dolen allanol

• (Saesneg) Gwefan swyddogol Cyngor Dinas Belffast

Eginyn erthygl sydd uchod am Ogledd Iwerddon. Gallwch helpu Wicipedia drwy ychwanegu ato.