Gair mwys

Gair Mwys yw y math o dechneg sy'n cael ei ddefnyddio fel rhyw fath o jôc gan amlaf, mae llawer o'r rhain yn jôcs un llinell, bachog. Fel arfer, gair mwys yw pan mae gair â dau ystyr yn mynd i mewn i frawddeg lle mae'r ystyron yn eglur o'r ddau safbwynt. Pethau fel:

1. Does dim pwynt ysgrifennu â phensil sydd wedi torri
2. Roedd ar fy meddwl i gael hyd i fy oriawr coll i, ond doedd yr amser ddim gen i.

Penawdau

Mae geiriau mwys yn bethau cyffredin iawn mewn penawdau papur newydd, maent yn cael eu defnyddio yn aml i ddal sylw y darllenydd gyda rhyw chwarae ar eiriau. Roedd gan bapur newydd y Negesydd un da iawn:

Yma o Hud! - Dewin y gân yn rhoi noson o swyn pur (Yn sôn am Dafydd Iwan yn dod i berfformio)

Mae'n hawdd gweld sut mae papurau newydd yn dal sylw pobl felly, ac fe ellir defnyddio geiriau mwys mewn sawl ffordd wahanol iawn.

Hysbysebu

Mae'r gair mwys yn boblogaidd yn y byd hysbysebu, os oes eisiau i gael cwsmeriaid neu i ddenu pobl, yna mae'r dechneg yn gweithio'n wych. Dyma un gan siop awyr agored i werthu pebyll:

'Now is the discount of our winter tents'

Wrth gwrs, yn y fan yma mae'n newid llinell William Shakespeare 'Now is the winter of our discontent'!