Al-Fâtiha

Al-Fâtiha: sŵra agoriadol y Coran

"Yr hon sy'n agor", "agoriad"; sŵra agoriadol y Coran. Un o destunau sylfaenol Islam, fe'i hadroddir gan bob Mwslim ar ddechrau ei weddïo defodol, bum gwaith y dydd. Ar ôl adrodd y Fâtiha mae'n arferol dweud âmin (Amen). Mae'n un o'r sŵras byrraf yn y Coran, ag iddi 7 pennill (âya) byr yn unig:

1. 1. Yn enw'r Duw Trugarhaol, Rhoddwr pob daioni.
   2. Moliant i Dduw, Arglwydd y Bydysawd,
   3. Rhoddwr pob daioni, y Trugarhaol,
   4. Brenin Dydd y Farn Olaf.
   5. Fe'th addolwn; atat Ti yn unig trown am gymorth.
   6. Arwain ni hyd Llwybr Cyfiawnder,
   7. Llwybr y rhai sydd wedi derbyn Dy ddaioni, y rhai nad ennynant Dy ddicter, y rhai nad ydynt ar gyfeiliorn.