Kings of Leon

Kings of Leon yn perfformio'n fyw yn FIB ar yr 22ain o Orffennaf, 2007

Band roc o Nashville, Tennessee ydy Kings of Leon. Mae'r band yn cynnwys tri brawd - Caleb Followill, Nathan Followill, Jared Followill, a'u cefnder Mathew Followill. Mae'r band wedi ennill 'Gwobr BRIT' a Gwobr Grammy. Roedd cerddoriaeth cynharaf y band yn gymysgedd o ddylanwadau roc deheuol a roc garej. Ers hynny, mae'r band wedi arbrofi gydag amrywiaeth o ddulliau. Ers y rhyddhawyd eu caneuon cyntaf yn 2003, maent wedi datblygu o fod yn fand annibynnol i fod yn fand hynod boblogaidd yn rhyngwladol, yn enwedig yn y DU ac yn Awstralia. Gwelodd y band dŵf yn eu poblogrwydd yn yr Unol Daleithiau hefyd yn sgîl eu halbwm "Only by the Night" (2008). Erbyn 2009, roedd y Kings of Leon wedi cael 8 sengl yn Siart y 40 Uchaf yng ngwledydd Prydain, gan gynnwys y sengl "Sex on Fire" a aeth i rif un.

Disgograffiaeth

• Youth and Young Manhood (2003)
• Aha Shake Heartbreak (2004)
• Because of the Times (2007)
• Only by the Night (2008)

Dolenni Allanol

• Gwefan Swyddogol