Sylffwr deuocsid

Llawer o Garbon Deuocsid a Sylffwr deuocsid yn cael ei allyrru allan o gorsaf pwer.

Nwy di-liw yw sylffwr deuocsid (SO₂) ag iddo arogl treiddgar, taglyd. Prif ffynhonnell sylffwr deuocsid yw llosgi tanwydd ffosil mewn gorsafoedd pwer, purfeydd olew a gweithfeydd diwydiannol mawrion eraill a reolir gan Asiantaeth yr Amgylchedd. Y sector tanwydd ag ynni yw’r ffynhonnell fwyaf o bell ffordd o sylffwr deuocsid o weithgareddau a reolir gan yr Asiantaeth a’r sector hwn hefyd yw’r ffynhonnell genedlaethol fwyaf, gan gyfrannu 73% o’r cyfanswm cenedlaethol. Mae cerbydau modur, bwyleri a thanau mewn cartrefi hefyd yn rhyddhau sylffwr deuocsid.

Gall sylffwr deuocsid lidio’r llygaid a’r pibellau awyr, ac yn y crynoadau amgylcheddol uchaf medrant gynyddu symptomau’r rheini sy’n dioddef o asthma neu glefyd yr ysgyfaint. Gall sylffwr deuocsid hefyd arwain at effeithiau uniongyrchol ar lystyfiant a chyfrannu at law asid. Gellir cludo sylffwr deuocsid dros bellter maith a gall hyd at draean o’r sylffwr a waddodir mewn rhai mannau yn y DU ddeillio o ffynonellau Ewropeaidd.