Yasser Arafat

Yasser Arafat, yn gwisgo keffiyeh Balesteinaidd

Wedi'i eni yn ninas Cairo, yr Aifft, ystyrir Yasser Arafat ( 4 Awst neu 24 Awst 1929 - 11 Tachwedd 2004) yn ymladdwr dros ryddid Palesteina gan ei gefnogwyr, tra y gwelir ef fel terfysgwr gan eraill gan gynnwys Israel. Roedd yn gyd-sefydlydd Mudiad Rhyddid Palesteina (PLO} a'i gadeirydd o 1969 ymlaen, ac o dan faner y mudiad hwnnw bu'n gyfrifol am lu o ymosodiadau ar dargedau Israelaidd ac Arabiaidd fel ei gilydd. Daeth wedyn yn Llywydd Awdurdod Cenedlaethol Palesteina, ac yn gyd-enillydd Gwobr Heddwch Nobel yn 1994, gyda Shimon Peres a Yitzhak Rabin.

Trwy'r rhan fwyaf o'i yrfa, bu'n brwydro dros ddileu'r Wladwriaeth Iddewig, ac er iddo gydnabod hawl Israel i fodoli yn yr 1990au cynnar, roedd llawer o Iddewon yn dal i fod yn ddrwgdybus iawn yn ei gylch. Bu hefyd yn gorfod brwydro gydag arweinwyr rhai gwledydd Arabaidd eraill, fel yr Aifft a Gwlad Iorddonen, a oedd yn gweld ei fudiad yn fygythiad i'w hawdurdod.

Gweler hefyd

• Maes Awyr Rhyngwladol Yasser Arafat
• Mudiad Rhyddid Palesteina

Eginyn erthygl sydd uchod am Balesteina. Gallwch helpu Wicipedia drwy ychwanegu ato