Peniarth

Delwedd:Peniarth.jpg

Plasdy Peniarth heddiw

Plasdy ym mhlwyf Llanegryn, Meirionnydd, de Gwynedd, a fu'n gartref teuluol y Wynniaid (Wynne yn ddiweddarach) yw Peniarth.

Mae'n lle pwysig yn hanes llenyddiaeth Gymraeg am fod y casgliad o lawysgrifau canoloesol a gasglwyd gan Syr Robert Vaughan (1592 - 1667) o Hengwrt, Meirionnydd, wedi cael cartref yno yn y 19eg ganrif. Gwerthwyd y casgliad hwnnw gan William Wynne VII i Syr John Williams yn 1898. Dyma'r casgliad unigol pwysicaf o hen lawysgrifau Cymraeg a adnabyddir heddiw fel Llawysgrifau Peniarth ac a ddiogelir i'r genedl yn Llyfrgell Genedlaethol Cymru, Aberystwyth.

Erbyn heddiw mae'r hen blasdy yn fferm gyda thir sylweddol yn perthyn iddi yn Nyffryn Dysynni.

Eginyn erthygl sydd uchod am Wynedd. Gallwch helpu Wicipedia drwy ychwanegu ato