Afon Waal

Afon Waal

Afon yn yr Iseldiroedd ac un o ganghennau Afon Rhein yw Afon Waal. Y Waal yw'r gangen fwyaf o'r Rhein, sy'n ymrannu ger pentref Pannerden i greu Camlas Pannerden a'r Waal. Ger Westervoort mae Camlas Pannerden yn ymrannu i'r IJssel a'r Nederrijn.

Arferai'r Waal ymuno ag Afon Maas ger Woudrichem, ond mae ei chwrs yn awr wedi ei newid i gadw'r ddwy afon ar wahan yma, ac mae dŵr y Waal yn cyrraedd y môr ar hyd nifer o afonydd, y Noord, y Nieuwe Maas a'r Nieuwe Waterweg. Cysylltir y Waal ag Amsterdam a'r Nederrijn gan Gamlas Amsterdam-Rhein a chyda'r Maas gan Gamlas Maas-Waal ger Nijmegen a Chamlas Sint Andries.