Meinwe

Casgliad neu grŵp o gelloedd ydy meinwe, sy'n uno â'i gilydd i wneud yr organnau. Mae nhw wedi eu creu o'r un tarddiad, yr un math o gell yn wreiddiol, ond yn newid eu siap a'u pwrpas drwy arbenigo mewn rhyw fodd neu'i gilydd e.e. y galon i bwmpio gwaed. Unir y rhannau hyn, wedyn, mewn organ i wneud un gwaith. Histoleg ydy'r enw ar yr astudiaeth o'r meinwe. Defnyddir y meicrosgop a'r bloc paraffîn yn aml wrth ei astudio. Mae datblygiadau technegol y dau ddegawd diwethaf, yn enwedig gyda'r meicrosgop electron a'r defnydd o feinwe wedi'i rewi, yn golygu y gellir gweld llawer mwy o fanylder yo fewn y meinwe. Mae hyn yn golygu y gallem adnabod afiechydon yn llawer cynt nag yr oeddem, a chreu ateb i lawer o broblemau yn ymwneud ag afiechydon.

Mewn anifail, mae pedwar math o feinwe:

• epitheliwm

• meinwe cysylltiol

• meinwe'r cyhyr

• meinwe'r nerfau

Mewn planhigion, mae tri math:

• meinwe'r epidermis: celloedd yn tyfu ar ymylon allanol dail a'r planhigyn ifanc.

• meinwe fasgiwlar: y sylem a'r floem sy'n symud hylif a mwynau o fewn y planhigyn

• meinwe daear (ground tissue): meinwe sy'n cynhyrchu maeth drwy ffotosynthesis ac sy'n ei storio.