Monoffisiaeth

Dysgeidiaeth Gristnogol sy'n datgan mai un natur yn unig, a hynny'n natur ddwyfol, sydd gan y Crist ymgnawdoledig yw Monoffisiaeth (Groeg monos "un" + physis "natur").

Gwrthodai'r Monoffisiaid y ddysgeidiaeth uniongred fod gan Grist ddwy natur, dwyfol a dynol. Daeth y rhwyg rhwng y ddwy ddysgeidiaeth i'r amlwg yn ystod Cyngor Chalcedon yn 451 ac ers hynny mae'n wahaniaeth sylfaenol rhwng y prif eglwysi Cristnogol (yn cynnwys yr Eglwys Uniongred Ddwyreiniol) ac Eglwysi'r tri cyngor, nifer o eglwysi uniongred dwyreiniol sy'n credu mewn un natur, e.e. yr Eglwys Goptaidd.

Eginyn erthygl sydd uchod am Gristnogaeth. Gallwch helpu Wicipedia drwy ychwanegu ato.