Gaiman

Mae Gaiman yn bentref gyda phoblogaeth o tua 6000 yn nhalaith Chubut, Ariannin. Gaiman yw'r man lle gwelir y dylanwad Cymreig cryfaf yn Y Wladfa.

Sefydlwyd Gaiman yn 1874 ar lannau Afon Camwy tua 17 kilomedr o Drelew. Mae'r enw yn dod o'r iaith Tehuelche, a'r ystyr yw "maen hogi". Mae'n boblogaidd iawn gyda thwristiad, yn arbennig y Tai Tê Cymreig sydd yn bur niferus ymo. Yn yr amgueddfa, y Museo Histórico Regional, gellir gweld dogfennau yn Gymraeg a Sbaeneg yn cofnodi sefydlu'r Wladfa. Gellir gweld nifer o gapeli Cymreig hefyd; Capel Bethel yw'r mwyaf ohonynt.

Rhyw 10 km i'r de o Gaiman mae Bryn Gwyn, lle gellir gweld nifer fawr o ffosilau.