Sacsoffon

Sacsoffon tenor

Offeryn cerdd chwythbren yw'r sacsoffon a ddyfeisiwyd gan Adolphe Sax ym 1846. Bwriad Sax oedd creu offeryn y byddai'n hawdd i'w chwarae mewn ystod o allweddi a thros amrediad eang - yn yr un ffordd a oedd yn bosib gydag offerynnau chwyth fel clarinet neu ffliwt - tra'n creu sŵn pwerus fyddai'n bosib ei glywed uwchben nifer o synau eraill, fel oedd yn bosib gydag offerynnau pres. Bwriadwyd yr offeryn yn wreiddiol ar gyfer bandiau milwrol neu fandiau pres, ac fe greodd Sax nifer fawr o fersiynau gwahanol mewn nifer o allweddi gwahanol gydag ystod enfawr, er mai pedwar fersiwn yn unig sy'n gyffredin heddiw:

• Sacsoffon soprano yn B♭
• Sacsoffon alto yn E♭
• Sacsoffon tenor yn B♭
• Sacsoffon baritôn yn E♭

Er bod sacsaffonau o fathau gwahanol yn amrywio o ran siap a maint, maent yn creu sain yn yr un ffordd ac mae'r dechneg o ran byseddu yr un fath; mae hyn yn golygu y gall unigolion sydd wedi dysgu i chwarae sacsoffon o un fath godi un o fath arall a'i chwarae yn weddol hawdd. Mae'r sacsoffon wedi ei adeiladu o bres yn bennaf, fel trwmped neu drombôn. Fodd bynnag, nid offeryn pres go iawn yw'r sacsoffôn: o ran y dull a ddefnyddir i greu sŵn, mae'r sacsoffon yn debyg iawn i'r clarinet ac yn creu sain drwy drwy ddefnyddio rhedyn yn yr un ffordd. Mae'r sacsoffon felly yn perthyn i deulu yr offerynnau chwyth ac mae sŵn y sacsoffon yn ymdebygu i sŵn y clarinet, er bod y dull o'i chwarae o ran allweddau'r offeryn yn debyg iawn i'r ffliwt clasurol fodern - seiliodd Sax yr offeryn ar system Theobald Boehm ar gyfer y ffliwt.

O'r chwith i'r dde, an sacsoffon alto yn E♭, sacsofffon soprano yn B♭ soprano saxophone, and a B♭ tenor saxophone

Mae'r Sacsoffon yn offeryn boblogaidd mewn jazz, bandiau milwrol a ska ymysg mathau eraill o gerddoriaeth.

Sacsaffonwyr Enwog

Sacsoffonwyr Jazz:

• Sidney Bechet - (1897-1959) - Soprano yn ogystal â'r clarinet
• Coleman Hawkins (1904-1969) - Tenor
• Lester Young (1909-1959) - Tenor
• Benny Carter (1907-2003) - Alto yn ogystal ag offerynnau eraill
• Charlie Parker (1920-1955) - Alto
• Dexter Gordon (1923-1990) - Tenor
• Paul Desmond (1924-1977) - Alto
• John Coltrane (1926-1967) - Tenor gan fwyaf, Soprano
• Gerry Mulligan (1927-1996) - Baritôn
• Ornette Coleman (1930-2015) - Alto
• Sonny Rollins (1930-) - Tenor
• Wayne Shorter (1933-) - Tenor a Soprano
• Steve Lacy (1934-2004) - Soprano
• Anthony Braxton (1945-) - Alto yn enwedig, ond yn chwarae sacsoffonau o bob math gan gynnwys rhai anarferol a phrin
• Michael Brecker (1949-2007) - Tenor gan fwyaf
• Joe Lovano (1952-) - Tenor gan fwyaf, ond yn chwarae sacsoffonau o bob math
• David Murray (1955-) - Tenor yn ogystal â chlarinet bas

Sacsoffonwyr pop:

• Kenny G (1956-)

Eginyn erthygl sydd uchod am offeryn cerdd. Gallwch helpu Wicipedia drwy ychwanegu ato.