Dindaethwy: Gwahaniaeth rhwng fersiynau
yr enw lle |
Porius1 (sgwrs | cyfraniadau) B →Plwyfi |
||
Llinell 14: | Llinell 14: | ||
*Llanbedr Mathafarn Wion |
*Llanbedr Mathafarn Wion |
||
*[[Llandegfan]] |
*[[Llandegfan]] |
||
*[[Llandysilio]] |
*[[Llandysilio (Môn)|Llandysilio]] |
||
*[[Llanddona]] |
*[[Llanddona]] |
||
*[[Llanddyfnan]] |
*[[Llanddyfnan]] |
Fersiwn yn ôl 17:43, 25 Chwefror 2008
Dindaethwy oedd un o ddau gwmwd cantref Rhosyr, yn ne-ddwyrain Môn.
Gorweddai cwmwd Dindaethwy rhwng Afon Menai a Traeth Lafan i'r de a'r Traeth Coch ar Fôr Iwerddon i'r gogledd. Roedd yn cynnwys pwynt de-ddwyreiniol yr ynys, Trwyn Du ym Mhenmon, gyferbyn ag Ynys Seiriol. Ffiniai â chwmwd Menai, ail gwmwd Rhosyr, i'r gorllewin a chwmwd Twrcelyn, cantref Cemais, i'r gogledd.
Roedd gan Dindaethwy lys cymydol yn Llan-faes, canolfan bwysicaf y cwmwd. Yn ddiweddarach yn yr Oesoedd Canol, sefydlodd Llywelyn Fawr fynachlog yn Llan-faes a chladdwyd ei wraig Siwan yno. Cyn hynny roedd gan y cwmwd un o ddau glas pwysicaf yr ynys ym Mhenmon, a drowyd yn briordy yn y 12fed ganrif, sef Priordy Penmon.
Ymhlith canolfannau grym diweddarach y cwmd oedd Penmynydd, plas teuluol Tuduriaid Môn.
Yr enw
Ystyr yr enw Dindaethwy yw 'Caer y Daethwy' (din 'caer neu amddiffynfa' + Daethwy). Ceir yr amrywiadau Tindaethwy a Tyndaethwy hefyd. Llwyth Celtaidd lleol oedd y Daethwy. Cedwir eu henw yn yr enw lle Porthaethwy yn ogystal. Mae'n bosibl mai amddiffynfa Dinas, plwyf Llandysilio, fu canolfan y llwyth.
Plwyfi
- Erddreiniog
- Llanbedr Mathafarn Wion
- Llandegfan
- Llandysilio
- Llanddona
- Llanddyfnan
- Llan-faes (creuwyd plwyf Biwmares yn ddiweddarach allan o ran o'r plwyf)
- Llanfair Mathafarn Eithaf
- Llanfair Betws Geraint
- Llanfair Pwllgwyngyll
- Llanfihangel
- Llangoed
- Llaniestyn
- Llanredifel
- Llansadwrn
- Penmon
Cyfeiriadau
- A. D. Carr, Medieval Anglesey (Llangefni, 1982)
- Melville Richards, 'Rhaniadau'r Canol Oesoedd', yn Atlas Môn (Llangefni, 1972)