F.C. Barcelona

FC Barcelona

Enw llawn	Futbol Club Barcelona (Clwb Pêl-droed Barcelona)
Llysenw(au)	Barça
Sefydlwyd	29 Tachwedd 1899 (fel Foot-Ball Club Barcelona)
Maes	Camp Nou
Cadeirydd	Josep Maria Bartolomeu
Rheolwr	Luis Enrique
Cynghrair	La Liga
2013-2014	2ydd

Y Camp Nou

Dathlu llwyddiant ar strydoedd Barcelona

Mae Futbol Club Barcelona, a adnabyddir yn aml fel Barça, yn glwb chwaraeon yn ninas Barcelona, Catalonia, Sbaen. Ystyrir y tim peldroed yn un o'r goreuon yn Sbaen ac yn y byd. Ffurfiwyd y tim peldroed yn 1899 gan nifer o ddynion o'r Swistir, Lloegr a Chatalonia ei hun. Arwyddair y clwb yw Més que un club (Mwy na chlwb mewn Catalaneg). Yr oeddynt yn un o'r timau gwreiddiol ym mhrif adran Sbaen, La Liga yn 1928, ac nid ydynt erioed wedi bod allan o'r adran gyntaf.

Eu stadiwm yw'r Camp Nou, ac adwaenir y cefnogwyr fel y culés (penolau) - dywedir fod y sawl oedd yn sefyll tu allan i'w hen stadiwm flynyddoedd yn ôl yn gweld rhes o benolau. Yn y tymor 2005-06 amcangyfrifwyd fod FC Barcelona yr ail glwb cyfoethocaf yn y byd, gydag incwm o €259.1 miliwn. Mae cystadleuaeth ffyrnig rhwng Barcelona a Real Madrid.

Cawsant gyfnod llwyddiannus iawn dan Johan Cruijff fel rheolwr, gan ennill La Liga bedair gwaith rhwng 1991 a 1994 ac ennill Cwpan Ewrop yn 1992. Dan Frank Rijkaard enillwyd La Liga yn 2005 a 2006, a churo Arsenal F.C. yn 2006 i ddod yn bencampwyr Ewrop am yr ail dro. Daeth Josep Guardiola yn rheolwr ar ddechrau tymor 2008-09, ac enillodd y clwb Gwpan Sbaen, La Liga a Chwpan Ewrop.

• Pencampwyr La Liga (21)
  • 1929, 1945, 1948, 1949, 1952, 1953, 1959, 1960, 1974, 1985, 1991, 1992, 1993, 1994, 1998, 1999, 2005, 2006, 2009, 2010, 2011, 2013

• Cwpan y Brenin (25)
  • 1910, 1912, 1913, 1920, 1922, 1925, 1926, 1928, 1942, 1951, 1952, 1953, 1957, 1959, 1963, 1968, 1971, 1978, 1981, 1983, 1988, 1990, 1997, 1998, 2009, 2012

• Cwpan Ewrop/Cynghrair Pencampwyr UEFA (4)
  • 1992, 2006, 2009, 2011

• Cwpan Enillwyr Cwpan UEFA (4)
  • 1979, 1982, 1989, 1997

Chwaraewyr enwog

• Víctor Valdés
• Carles Puyol
• Xavi Hernández
• Andrés Iniesta
• Samuel Eto'o
• Lionel Messi
• Thierry Henry

Y tîm presennol

Nodyn: Diffinnir y baneri cenedlaethol o dan reolau FIFA. Gall y chwaraewyr, felly, fod o fwy nag un cenedl.

Rhif Safle Chwaraewr Marc-André ter Stegen Martín Montoya Gerard Piqué Ivan Rakitić Sergio Busquets (4ydd-capten) Xavi Hernández (capten) Pedro Rodríguez Andrés Iniesta (is-capten) Luis Suárez Lionel Messi (3ydd-capten) Neymar Rafinha

Rhif Safle Chwaraewr Claudio Bravo Javier Mascherano Marc Bartra Douglas Pedro Rodríguez Jordi Alba Sergi Roberto Adriano Correia Dani Alves Thomas Vermaelen Jérémy Mathieu Jordi Masip

Dolennau allanol

• (Catalaneg) / (Sbaeneg) / (Saesneg) / (Japaneg) / (Tsieineeg) / (Corëeg) / (Arabeg) Gwefan swyddogol y clwb